TAV MAQEDONI PRITI NJË BLOGER UDHËTUES SERB PËR TË PROMOVUAR OHRIN SI DESTINACION UDHËTIMI MES POPULLSISË SERBE NË BALLKAN

TAV Maqedoni, me mbështetjen e Air Serbia, mirëpriti dhe ishte nikoqir i blogerit serb të udhëtimeve Putuj.rs, me qëllim promovimin e Ohrit dhe Liqenit të Ohrit si destinacion udhëtimi për njerëzit nga Serbia fqinje, të cilët nga 19 qershori 2023 mund të arrijnë në Ohër për më pak se 1.5 orë, me fluturimet e Air Serbia në linjën e rinovuar Beograd - Ohër, e cila operon 4 herë në javë.

Blogeri serbe i udhëtimeve mbërriti në Shën Apostulli Pal - Ohër me fluturimin e parë të rinovuar në linjën Beograd - Ohër, më 19 qershor, dhe gjatë qëndrimit të tij 5 ditor në liqenin piktoresk të Ohrit, përjetësoi peizazhet befasuese, arkitekturën e mahnitshme, rrugët e gjalla dhe dinamike dhe kishat magjike - në kërkim të zbulimit të perlës së fshehur të Ballkanit - Ohrin.  
Ideja dhe iniciativa e TAV Maqedoni - të angazhojë një profesionist i cili do të krijojë një udhëzues udhëtimi për në Ohër për popullatën serbe të Ballkanit, në gjuhën e tyre amtare, është zbatuar përmes përmbajtjeve të ndryshme në rrjetet sociale, të krijuara dhe publikuara nga blogeri serb putuj.rs, përmes tekstit me fotografi në blogun e tij, përmes faqeve të tij në Instagram dhe Facebook, si dhe përmes një videoje 30 minutëshe për Liqenin e Ohrit të publikuar në kanalin e tij në adresën YouTube, me titull  „Ohri she Liqeni i Ohrit, rëfim me shpirt“.   Gjatë vizitës së tij, blogeri eci përgjatë kalldrëmit, duke u mrekulluar me qytetin e vjetër të Ohrit, i cili është në Listën e trashëgimisë botërore të UNESCO-s. Ai admiroi kështjellën ikonike të Ohrit, një dëshmi e së kaluarës historike të qytetit dhe shijoi mrekullitë arkitekturore të Kishës së Shën Xhon Kaneo dhe Kishën e Shën Sofisë. Fotot dhe videot e tij kapën në mënyrë të përsosur thelbin e këtyre monumenteve historike, duke e sjellë dhe udhëhequr audiencën e tij në zemrën e Ohrit. Për më tepër, ai udhëtoi me varkë në një nga lokacionet më tërheqëse turistike maqedonase me një mjedis të bukur, manastirin e Shën Naumit, dhe ai pati rastin t'i vizitojë dhe të shijojë kombinimin natyror të burimeve të lumit Drini i Zi, e më vonë shijoi plazhin me gurë të vegjël të bardhë dhe ujin mrekullisht të pastër në Trpejcë, si dhe plazhin me rërë në Lubanishtë. Përveç shijimit të peizazhit, pati edhe mundësi për të rritur pak adrenalinën - ai fluturoi me paraglajder mbi Liqenin e Ohrit dhe Galiçicës dhe gjatë gjithë qëndrimit përjetoi mikpritjen e njerëzve dhe qytetit të Ohrit, duke shijuar specialitete të shijshme si trofta, barçi, gjomleze, makallë, çorbë peshku dhe ngjalën unike të Ohrit. 
TAV Maqedoni, në kuadër të strategjive të marketingut dhe komunikimit të TAV Aerporte, vazhdimisht inicion aktivitete të ngjashme në fushën e komunikimeve të integruara të marketingut, me qëllim promovimin e aeroporteve të Shkupit dhe Ohrit, si dhe Ohrin, Shkupin dhe Maqedoninë si destinacion udhëtimi për të huajt nga shtete të ndryshme të cilat janë tregje potenciale për turistët vizitues.