НА ОХРИДСКИОТ АЕРОДРОМ: ТАВ ГО ПРЕЧЕКА ПРВИОТ ЛЕТ НА НОРДИКА ОД ТАЛИН
Четириесет и пет минути по полноќ, на аеродромот Св. Апостол Павле во Охрид, воден мост го поздрави првиот лет од Талин. По успешните преговори меѓу ТАВ Аеродроми и Нордика, естонскиот национален авиопревозник денес го отвори првиот сезонски лет на релација Талин – Охрид – Талин.
Патниците од воздухопловот со 90 седишта, Bombardier CRJ900, беа топло пречекани со разнобојни колачиња додека се симнуваа од воздухопловот за нивното ново патничко искуство во Охрид.
Од денес, 2 јуни, па се до 15 септември, новата сезонска линија Талин – Охрид – Талин ќе сообраќа секоја сабота. Времето на пристигнување на аеродромот „Св. Апостол Павле“ во Охрид од Талин е 00:45 часот, а полетувањето назад кон Талин во 01:20 часот.
-Среќни сме и со задоволство ја пречекуваме најавената нова линија на естонската Нордика на аеродромот Св. Апостол Павле во Охрид. Талин, петтата нова дестинација воведена на аеродромот Св. Апостол Павле во Охрид во последната година, како нов пазар за патници во доаѓање, ќе донесе многу бенефиции не само за аеродромот, туку и за целиот туристички сектор во Охрид и воопшто во нашата држава. Благодарение на Маркетинг-одделот на ТАВ Аеродроми, очекуваме повеќе од 2.500 патници од главниот град на Естонија да го посетат бисерот на Македонија, Охрид и Охридското Езеро, да го збогатат нивното патувачко искуство и да раскажуваат за природните убавини и за гостопримството на Македонија и на Македонците, изјави Алпер Ерсој, Генерален директор на ТАВ Македонија.
Билетите за 3-часовниот лет на релација Талин – Охрид – Талин се веќе во продажба од 26 септември 2017г., на интернет страницата на Нордика https://www.nordica.ee/ со цени од 99.90 евра.
Нордика го промовира Охрид меѓу Естонците како најпопуларна дестинација за одмор во Македонија, како убав и романтичен град, со богата архитектура, со прекрасни пејзажи, притоа потсетувајќи ги нивните патници дека Охрид е еден од најстарите градови во Европа, и е на Листата на светско наследство на
-Ова е голем ден за Нордика, бидејќи го отвори првиот директен лет меѓу Естонија и Македонија! Охрид е многу значаен за нас, од повеќе причини: Охрид е нашата најјужна дестинација, првата летна сезонска авио-линија која не е блиску до море и воопшто првата рута во Македонија. Имаме големи надежи за оваа линија и се надеваме дека ќе донесеме многу Естонци во Македонија, а во исто време би сакал да ги поканам и сите Македонци да уживаат во естонското гостопримство, изјави Свен Кукемелк, Извршен директор за бизнис-развој на Нордика.
Според претставниците на Нордика, линиите за летната сезона на авиокомпанијата се многу популарни и за време на минатата летна сезона авиокомпанијата опслужила преку 20.000 патници на сезонските летови до Сплит, Ријека и Одеса.
Естонскиот национален авиопревозник Нордика нуди голем број директни летови од Талин до различни европски дестинации, а во соработка со партнерски авиокомпании нуди летови за конекции до преку 140 дестинации во светот.
Со воведувањето на новиот чартер лет на 15 април, Истанбул–Охрид–Истанбул, летната сезона за 2018 г. на охридскиот аеродром беше официјално отворена. Линијата Ајндховен–Охрид–Ајндховен, отворена во мај оваа година, како и чартер летовите што веќе сообраќаат од/до Амстердам, Брисел, Тел Авив и Катовице, како и трите редовни летови до Базел, Цирих и Лондон, го прават Охрид сè поатрактивна дестинација за туристите.
Затоа, ТАВ Македонија очекува фрекфентна летна сезона бидејќи Талин е 8-та дестинација додадена на мрежата на авиолинии на аеродромот во Охрид. Нордика сега го поврзува македонското одморалиште со Естонија и претставува уште еден нов пазар за патници во доаѓање на охридскиот аеродром и за туристи на Охридското Езеро.
Во првите пет месеци од 2018 година (јануари – мај), вкупно 823.801 патници патувале преку двата македонски аеродрома, Меѓународен
Аеродром Скопје и охридскиот аеродром Св. Апостол Павле, со пораст од 19% на годишно ниво.
Во исто време вкупниот број на летови е 7.196, со 16% пораст на годишно ниво.
Често поставувани прашања
До/од Меѓународниот Аеродром Скопје има редовен автобуски превоз за патници којшто поминува и застанува на клучни автобуски постојки низ градот Скопје и пристигнува до аеродромот. Со овој автобуски превоз управува компанијата V2V Transporter. Возниот ред на автобусот се подготвува според распоредот на летови на Меѓународниот Аеродром Скопје. Билетот во една насока за автобускиот превоз чини 199 денари. Повеќе информации можете да најдете во делот Водич за патници на веб-страницата, односно на Автобус.
Меѓународниот Аеродром Скопје работи 24/7. Рестораните и кафулињата како Cakes & Bakes, Café In, Burger King и Need Stop им се постојано достапни на патниците; бизнис-салонот (PrimeClass CIP Service) нуди комфор 24/7, а бесцаринската продавница (ATU Duty Free) е отворена согласно летовите и нуди широк асортиман на производи.
Пријавувањето на патниците на шалтерите за пријавување патници и багаж почнува 120 минути (2 часа) пред закажаното време на полетување (STD) наведено на вашиот авионски билет. Времето на затворање на шалтерот за пријавување на аеродромот е најдоцна 40 минути пред закажаното време на полетување наведено на вашиот авионски билет.
За информации во врска со летовите, следете ја веб-страницата на Меѓународниот Аеродром Скопје, во делот Пристигнувања и/или Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.
Доколку Ви се потребни итни дополнителни информации за Вашиот лет, можете да го контактирате Шалтерот за информации на телефонскиот број: +389 2 3148 333, кој работи 24/7.
На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење на новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.
Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.
Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следниот е-мејл: customer.mk@tav.aero
Во случај на изгубен или оштетен багаж, веднаш упатете се во Одделот за изгубен багаж, кој е лоциран близу до лентите за подигнување на багажот, односно во зоната за Пристигнувања во државата и по Пасошка контрола, а пред Царинска контрола.
Нашите вработени ќе ви изготват записник за изгубен/оштетен багаж, со кој потоа ќе се обратите до вашата авиокомпанија. Доколку ви е потребно да го контактирате одделот за изгубен багаж, пишете ни на: lostbaggage@tav.aero
За изгубени/најдени предмети во авион, контактирајте нé на истиот мејл: lostbaggage@tav.aero
Ако изгубите или најдете личен предмет во аеродромската зграда, веднаш пријавете или на Шалтерот за информации или пак кај вработените од обезбедувањето, а доколку сте веќе заминати од аеродромот пишете ни на lost.property@tav.aero
Сите детали на: http://skp.airports.com.mk/.../airpo.../page/lost-luggage-mk
Да. Од 2015 година ТАВ Македонија има воведено бесплатен безжичен, Wi-Fi, интернет на Меѓународниот Аеродром Скопје. Патниците можат преку нивните мобилни уреди да го користат бесплатниот безжичен интернет со едноставно приклучување на безжичната мрежа со име: TAV Airports, без потреба од впишување лозинка.
Вашето возило може да го паркирате на нашиот паркинг без претходна резервација. Оваа услуга е достапна 24/7 на Меѓународниот Аеродром Скопје.
Ценовник за паркинг:
1ч – МКД 100
2ч – МКД 150
3ч – МКД 200
4ч – МКД 300
4-6ч – МКД 400
6-8ч – МКД 500
8-24ч – МКД 1,000
3-5 дена – МКД 3,500
5-7 дена – МКД 4,500
Секој нареден ден – МКД 400
За повеќе информации за паркинг услугите, ве молиме кликнете на Паркинг.
Да. Меѓународниот Аеродром Скопје има посебно означени паркинг-места за лицата со попреченост и паркингот за нив е бесплатен во рок од 24 часа. Со покажување на сообраќајната дозвола и легитимацијата за попреченоста на Шалтерот за наплата на паркинг, лоциран во терминалната зграда, нашите вработени ќе го поништат паркинг-билетот и лицето со попреченост автоматски ќе биде ослободено од плаќање паркинг. Доколку сите паркинг-места за лицата со попреченост се зафатени, паркирајте се на обично место и следејќи ја истата постапка ќе бидете ослободени од плаќање паркинг.
За повеќе информации за паркинг услугите, ве молиме кликнете на Паркинг или на http://skp.airports.com.mk/mk-MK/passenger-guide-mk/page/-passengers-with-disabilities-and-passengers-with-reduced-mobility-prm-mk-
За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате:
https://en.aegeanair.com/travel-information/special-assistance/traveling-with-pet/
https://www.turkishairlines.com/en-us/any-questions/traveling-with-pets/
https://www.croatiaairlines.com/Travel-info/Special-passenger-categories/Animals
https://www.qatarairways.com/en/baggage/animals.html
https://www.austrian.com/Info/Flying/TransportationAnimals
https://www.flypgs.com/en/write-to-us/a0j58000000NHWFAA4#sf-1
Wizz Air не дозволува домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.
https://wizzair.com/en-gb/information-and-services/travel-information/baggage
Да. Меѓународниот Аеродром Скопје има Служба за помош на патници со попреченост и патници со намалена подвижност – PRM. Службата каде што може да се најде оваа бесплатна услуга, се наоѓа веднаш до Шалтерот за информации, во терминалната зграда. Како личност со намалена подвижност (PRM) се подразбира секое лице чија подвижност е намалена поради физичка попреченост (сензорна или локомоторна), интелектуален дефицит, возраст, болест или друга причина.
Да. На Меѓународниот Аеродром Скопје има просторија за пушење, која се наоѓа во безбедносно-контролираната зона. Просторијата за пушење се наоѓа веднаш до излез број 201, односно од левата страна по пасошка контрола и по пунктот за безбедносен преглед.
Покрај собата за пушење, патниците можат да ги користат и отворените тераси од кафетериите кои се наоѓаат на влезот во терминалната зграда на аеродромот.
Пушењето е забрането во останатиот дел од терминалната зграда.
Во случај на општи прашања за кои не ви е потребен итен одговор, жалби или пофалби, пишете ни на customer.mk@tav.aero Тоа е нашиот Оддел за односи со клиенти, од каде во најкус можен рок ќе добиете одговори на Вашите прашања.