Патници со попреченост и патници со намалена подвижност – PRM

Патници со попреченост и патници со намалена подвижност – PRM

ТАВ Македонија како аеродромски оператор на Меѓународниот Аеродром Скопје и на Аеродромот Свети Апостол Павле Охрид, и како компанија којашто се грижи да обезбеди квалитетно патувачко искуство за своите  клиенти  постојано е посветена на задоволување на потребите на лицата со попреченост и на лицата со намалена или ограничена подвижност.

Пристапноста се смета за важен сегмент од нашето секојдневно работење со цел да обезбедиме еднакви можности за сите клиенти.

Затоа, зоните за патници во рамки на аеродромската инфраструктура, капацитетите и услугите се изградени и модифицирани со цел да може да ги користи секој.

Согласно РЕГУЛАТИВАТА (ЕС) 1107/2006 НА ЕВРОПСКИОТ ПАРЛАМЕНТ И НА СОВЕТОТ од 5 јули 2006г. во однос на правата на лицата со попреченост и лицата со намалена подвижност при патување со воздухоплов аеродромот е должен и одговорен да обезбеди помош на лицата со намалена подвижност (PRM).

Лице со намалена подвижност (Person with Reduced Mobility – PRM) е секое лице чија што подвижност е намалена поради физичка неможност (сензорна или локомоторна), интелектуален недостаток, возраст, болест или која било друга причина за попреченост при користење на транспортот и чијашто ситуација има потреба од посебно внимание и приспособување на потребите на лицето на услугите достапни за сите патници.

За да одговори на потребите на патниците со намалена или ограничена подвижност и да ја обезбеди потребната помош и поддршка, ТАВ Македонија има обучен и квалификуван персонал кој е подготвен да ги пречека и да обезбеди услуги за лицата со попреченост и лицата со намалена подвижност на Меѓународниот Аеродром Скопје и Аеродромот Свети Апостол Павле Охрид.

БАРАЊЕ ПОМОШ

Патниците на кои им е потребна помош треба да ја контактираат и да ја известат авиокомпанијата, туристичкиот агент или туроператорот со детали за нивните барања за помош најмалку 48 часа пред поаѓањето на нивниот лет.

Важно е патниците кои бараат помош за движење да ја контактираат авиокомпанијата, туристичкиот агент или туроператорот директно бидејќи нивното натамошно патување може да биде засегнато од правилата за безбедност што ги применува авиопревозникот за превоз на лица со намалена подвижност.

Покрај ова, лицата со попреченост и лицата со намалена или ограничена подвижност можат лесно да го најават своето пристигнување на Аеродромот и да побараат помош на која било од трите локации:

  • Определено место во јавна зона–Службата за помош на патници со попреченост се наоѓа веднаш до Шалтерот за информации
  • Шалтер за информации
  • Шалтерите за регистрација на патници и багаж

 

ПАРКИНГ МЕСТА ЗА ИНВАЛИДНИ ЛИЦА НА МЕЃУНАРОДНИОТ АЕРОДРОМ СКОПЈЕ

На Меѓународниот Аеродром Скопје има вкупно 20 паркинг-места за инвалидни лица, каде што користењето на паркингот е бесплатно во рок од 24 часа.

За одобрување на бесплатно паркирање потребно е патникот да се упати во канцеларијата за паркинг и да приложи сообраќајна дозвола од возилото и инвалидска легитимација (да се идентификува како лице со инвалидитет). Ова важи само доколку лицето со инвалидитет е сопственик на возилото и тој управува со истото.

Растојанието од означените паркинг места за лица со инвалидитет/попреченост до влезните врати на аеродромската зграда е 48 метри.

Covid19: Патувајте безбедно – ПРАШАЊА И ОДГОВОРИ

- Редовно и навремено ги применуваме сите мерки на Владата и на Министерството за здравство, како надлежни државни институции. Секако, ги следиме и искуствата на другите аеродроми ширум светот и препораките на Светската здравствена организација (WHO), Агенцијата за воздухопловна безбедност на Европската Унија (EASA), Меѓународната организација за цивилно воздухопловство (ICAO), Меѓународниот совет на аеродроми (ACI) и Меѓународната асоцијација за авиосообраќај (IATA), сè со цел да преземаме соодветни мерки навреме, како што се менуваат условите во оваа глобална пандемија.

-    И покрај постоењето на опцијата за онлајн пријавување, поради новонастанатите Ковид-19 рестрикции, патниците се должни, при нивното пристигнување на аеродромот, да се пријават на шалтерите за пријавување, за проверка и верификација на документите потребни за влез во државата во која патуваат, како и пријавување на нивниот багаж. 

-    Патниците ќе треба дисциплинирано да ги следат упатствата на агентите за обезбедување, и таму, како и при сите процедури каде што се создаваат редици, потребно ќе биде да се држи физичко растојание од најмалку 1,5 метар.

Согласно сé уште актуелните барања за разни документи за патување поврзани со ковид-19 од страна на странските држави, кои нашите вработени задолжително ги проверуваат на на шалтерите за регистрација на патници и багаж, апелираме до сите патници да пристигнат на аеродромот 3 часа пред закажаниот лет.

Ако евентуално одлучите да правите ковид-19 тест во еден од објектите на двете лаборатории на аеродромот, Ве молиме пристигнете на аеродром и порано од 3 часа, а согласно потребното време за изготвување на тестот, кое пак треба да го проверите со соодветната лабораторија. 

- Бизнис и ВИП Салонот се чистат и дезинфицираат според пропишаното од страна на јавните здравствени власти, со зголемена фреквенција врз основа на авиосообраќајот. 
- Поставени се повеќе диспанзери со средство за дезинфекција, врз база на алкохол, со соодветна ознака за патниците.
- Има опција за самопослужување со цел патниците да имаат ограничен контакт со персоналот.

- Се врши честа дезинфекција на површините кои се често се во допир со персоналот и патниците,

- Масите се чистата/дезинфицираат по нивно користење.

Вграден е и плексиглас сепаратор со цел да се избегне контакт помеѓу касата и гостите.
- На секоја маса се поставени алкохолни дезинфициенси за раце

- Послужавниците и чиниите се отстранети од вообичаените области. Тие се даваат на гостите од страна на службениот персонал.

- Се користат пакувани производи за еднократна употреба наместо производите како што се сол, шеќер, салфетки, итн.

- Опремата која се користи  редовно се дезинфицира.

- Физичкото растојание од 1,5метар е минимално во просторот за сите присутни лица и за таа цел околу подот на бесцаринските продавници се поставени водечки знаци.

- Ги советуваме клиентите да користат само безконтактна кредитна или дебитна картичка.

-
Влезот е дозволен за сите патници. Поставени се апарати за дезинфекција врз основа на алкохол пред влегување во бесцаринските продавници.

-    Патниците треба да пристигнат на аеродромот најмалку 3 часа пред нивниот лет, затоа што најмалку 1 час пред времето на полетување шалтерите за пријавување се затвораат. Ова значи дека патниците најмалку 1 час пред времето на полетување треба да ја имаат завршено процедурата за пријавување, a потоа и процедурите за Пасошка контрола и безбедносна проверка, со цел навреме да пристигнат во зоната за качување во авион, односно кај Излезите.

-    Носењето заштитна маска за лице за патниците во терминалната зграда на аеродромот, не е задолжително, согласно измените и дополнувањата на мерките за Ковид-19 донесени од Владата на Северна Македонија од 3.5.2022 година https://vlada.mk/node/28642. Согласно овие измени, граѓаните немаат обврска да носат заштитна маска за лице во сите затворени места, освен во здравствените установи, аптеките, јавниот превоз (автобус, железница, авион и такси) и во установите за згрижување стари лица и лица со попреченост. Во однос на носење маска за време на лет, патниците треба да ги следат правилата и барањата на авиокомпанијата со која патуваат.

Влезот во терминалната зграда на Меѓународниот Аеродром Скопје, почнувајќи од 3-ти мај 2022 година, кога Владата на РСМ ги укина сите заштитни мерки поврзани со ковид-19  https://vlada.mk/node/28642 освен носењето заштитни маски во одредени установи, е дозволен без ограничувања/барања поврзани со ковид-19.

Со оглед на тоа што ТАВ Македонија како оператор на аеродромите не е надлежна за утврдување и поставување на правилата за влез/излез во/од државата, туку тоа е надлежност на Граничната полиција, во чии ингеренции е Пасошката контрола на аеродромите, Ве замолуваме да се обратите до Министерството за внатрешни работи на Р.С.Македонија  https://mvr.gov.mk/default , како и до Министерството за здравство http://zdravstvo.gov.mk/  и Владата https://vlada.mk/ , каде што одлучуваат за овие правила поврзани со пандемијата со Ковид-19.

ТАВ Македонија, како оператор на аеродром, работи во согласност со правилата и прописите на државните институции во земјите каде патуваат патници, пограничните институции на аеродромите и авиокомпаниите.
За информации во врска со барањата за патни документи и/или ковид-тестови од страна на земјата во која сакате да пристигнете, Ве молиме да се обратите до Aмбасадата на таа земја, како и до авиокомпанијата со која ќе патувате. 

-    На двата аеродрома има можност за правење на КОВИД-19 тестови пред вашето заминување. 
Лабораториите на клиниката Жан Митрев и Никоб Лаб вршат тестирање на патници на аеродромите. Повеќе информации можете да најдете на линковите подолу.


Меѓународен Аеродром Скопје:
https://zmc.mk/en/covid19/skopje-ohrid-airport-covid-19-testing-point/ 

https://nikoblab.mk/ 

Аеродром Св. Апостол Павле Охрид: 
https://zmc.mk/en/covid19/skopje-ohrid-airport-covid-19-testing-point/  

http://ohd.airports.com.mk/mk-MK/media-centre-mk/announcements-mk/page/announcement-covid-testing-airport-ohrid-mk