ТАВ МАКЕДОНИЈА“ СО УШТЕ ЕДНА ПРЕСТИЖНА НАГРАДА
„ТАВ Македонија“ со уште една престижна награда за аеродромот „Александар Велики“
Раководен од компанијата „ТАВ“ скопскиот аеродром „Александар Велики“ останува лидер на европско ниво во категоријата под два милиони патници за што одново доби награда од влијателниот Меѓународен совет на аеродроми
Скопскиот аеродром „Александар Велики“ и во 2013 е најдобар во Европа во категоријата до два милиони патници со што втора година по ред доби потврда дека неговите услуги се меѓу најпрофесионалните на стариот континент. Меѓународниот совет на аеродроми (Airports Council International - ACI) и во 2012 му го додели ова признание на скопското авиопристаниште што е под концесија на турскиот холдинг „ТАВ Аеродроми“. Со наградата од влијателната глобална платформа на оператори на аеродроми, „Александар Велики“ одново го круниса лидерството демонстрирано преку брзиот развој и постојаното подобрување на квалитетот на услугите.
„Престижната награда од Меѓународниот совет на аеродроми, добиена по вторпат годинава, е доказ за нашиот перфекционистички пристап во поглед на квалитетот на услугите на „Александар Велики“ каде „ТАВ Македонија“ целосно го пренесе своето знаење и искуство за да се одржи највисок степен на квалитет на услуги. Навистина сме среќни што го добивме признанието за „аеродром со врвни услуги во Европа“ кое што се доделува врз основа на анкети кои го мерат задоволството на патниците. Ќе продолжиме на патниците да им посветуваме целосно внимание“ - изјави Зоран Крстевски, генералниот менаџер на „ТАВ Македонија“ на денешната прес-конференција, каде што беше придружуван и од замениците, Алпер Тунга Ерсој и Метин Батак.
Во својата пишана изјава, генералниот директор на Меѓународниот совет на аеродроми, Анџела Гитенс, истакна дека аеродромите се соочуваат со пазар во којшто натпреварот е сè посилен, а побарувачката сè потемелна и затоа е клучно да се биде посветен на остварување и надминување на очекувањата на патниците.
- На менаџерите на аеродромите им требаат факти и конкретни информации за да ги насочуваат своите напори и да ги оптимизираат инвестициите. Истражувањето на советот е алатка што обезбедува податоци кои им помагаат на аеродромите да откријат што патниците најмногу ценат и што треба потоа да направат за да достигнат врвно ниво на корисничка услуга. Резултатите со текот на времето демонстрираат дека аеродромите внимателно ги следат ставовите на патниците и превземаат корективни чекори за подобрување на искуството на нивните потрошувачи. Аеродромите работат посветено да ги подобрат сопствените перформанси преку усвојување стратегии кои се фокусирани на патниците - вели Гитенс во изјавата.
Меѓународниот совет на аеродроми ја спроведува програмата за „квалитет на аеродромски услуги“ (ASQ - Airport Service Quality) од 2006 година со цел да го мери задоволството на патниците на аеродромите членки на организацијата. Во текотна минатата година над 200 аеродроми од 50 земји учествуваа во програмата, а повеќе од 400.000 патници беа интервјуирани за услугите. По комплетирањето на испитувањето, што се спроведува на месечно ниво секоја година, награди се доделуваат во категориите според големина, регион, број на патници, како и постигнат напредок.
Често поставувани прашања
До/од Меѓународниот Аеродром Скопје има редовен автобуски превоз за патници којшто поминува и застанува на клучни автобуски постојки низ градот Скопје и пристигнува до аеродромот. Со овој автобуски превоз управува компанијата V2V Transporter. Возниот ред на автобусот се подготвува според распоредот на летови на Меѓународниот Аеродром Скопје. Билетот во една насока за автобускиот превоз чини 199 денари. Повеќе информации можете да најдете во делот Водич за патници на веб-страницата, односно на Автобус.
Меѓународниот Аеродром Скопје работи 24/7. Рестораните и кафулињата како Cakes & Bakes, Café In, Burger King и Need Stop им се постојано достапни на патниците; бизнис-салонот (PrimeClass CIP Service) нуди комфор 24/7, а бесцаринската продавница (ATU Duty Free) е отворена согласно летовите и нуди широк асортиман на производи.
Пријавувањето на патниците на шалтерите за пријавување патници и багаж почнува 120 минути (2 часа) пред закажаното време на полетување (STD) наведено на вашиот авионски билет. Времето на затворање на шалтерот за пријавување на аеродромот е најдоцна 40 минути пред закажаното време на полетување наведено на вашиот авионски билет.
За информации во врска со летовите, следете ја веб-страницата на Меѓународниот Аеродром Скопје, во делот Пристигнувања и/или Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.
Доколку Ви се потребни итни дополнителни информации за Вашиот лет, можете да го контактирате Шалтерот за информации на телефонскиот број: +389 2 3148 333, кој работи 24/7.
На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење на новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.
Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.
Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следниот е-мејл: customer.mk@tav.aero
Во случај на изгубен или оштетен багаж, веднаш упатете се во Одделот за изгубен багаж, кој е лоциран близу до лентите за подигнување на багажот, односно во зоната за Пристигнувања во државата и по Пасошка контрола, а пред Царинска контрола.
Нашите вработени ќе ви изготват записник за изгубен/оштетен багаж, со кој потоа ќе се обратите до вашата авиокомпанија. Доколку ви е потребно да го контактирате одделот за изгубен багаж, пишете ни на: lostbaggage@tav.aero
За изгубени/најдени предмети во авион, контактирајте нé на истиот мејл: lostbaggage@tav.aero
Ако изгубите или најдете личен предмет во аеродромската зграда, веднаш пријавете или на Шалтерот за информации или пак кај вработените од обезбедувањето, а доколку сте веќе заминати од аеродромот пишете ни на lost.property@tav.aero
Сите детали на: http://skp.airports.com.mk/.../airpo.../page/lost-luggage-mk
Да. Од 2015 година ТАВ Македонија има воведено бесплатен безжичен, Wi-Fi, интернет на Меѓународниот Аеродром Скопје. Патниците можат преку нивните мобилни уреди да го користат бесплатниот безжичен интернет со едноставно приклучување на безжичната мрежа со име: TAV Airports, без потреба од впишување лозинка.
Вашето возило може да го паркирате на нашиот паркинг без претходна резервација. Оваа услуга е достапна 24/7 на Меѓународниот Аеродром Скопје.
Ценовник за паркинг:
1ч – МКД 100
2ч – МКД 150
3ч – МКД 200
4ч – МКД 300
4-6ч – МКД 400
6-8ч – МКД 500
8-24ч – МКД 1,000
3-5 дена – МКД 3,500
5-7 дена – МКД 4,500
Секој нареден ден – МКД 400
За повеќе информации за паркинг услугите, ве молиме кликнете на Паркинг.
Да. Меѓународниот Аеродром Скопје има посебно означени паркинг-места за лицата со попреченост и паркингот за нив е бесплатен во рок од 24 часа. Со покажување на сообраќајната дозвола и легитимацијата за попреченоста на Шалтерот за наплата на паркинг, лоциран во терминалната зграда, нашите вработени ќе го поништат паркинг-билетот и лицето со попреченост автоматски ќе биде ослободено од плаќање паркинг. Доколку сите паркинг-места за лицата со попреченост се зафатени, паркирајте се на обично место и следејќи ја истата постапка ќе бидете ослободени од плаќање паркинг.
За повеќе информации за паркинг услугите, ве молиме кликнете на Паркинг или на http://skp.airports.com.mk/mk-MK/passenger-guide-mk/page/-passengers-with-disabilities-and-passengers-with-reduced-mobility-prm-mk-
За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате:
https://en.aegeanair.com/travel-information/special-assistance/traveling-with-pet/
https://www.turkishairlines.com/en-us/any-questions/traveling-with-pets/
https://www.croatiaairlines.com/Travel-info/Special-passenger-categories/Animals
https://www.qatarairways.com/en/baggage/animals.html
https://www.austrian.com/Info/Flying/TransportationAnimals
https://www.flypgs.com/en/write-to-us/a0j58000000NHWFAA4#sf-1
Wizz Air не дозволува домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.
https://wizzair.com/en-gb/information-and-services/travel-information/baggage
Да. Меѓународниот Аеродром Скопје има Служба за помош на патници со попреченост и патници со намалена подвижност – PRM. Службата каде што може да се најде оваа бесплатна услуга, се наоѓа веднаш до Шалтерот за информации, во терминалната зграда. Како личност со намалена подвижност (PRM) се подразбира секое лице чија подвижност е намалена поради физичка попреченост (сензорна или локомоторна), интелектуален дефицит, возраст, болест или друга причина.
Да. На Меѓународниот Аеродром Скопје има просторија за пушење, која се наоѓа во безбедносно-контролираната зона. Просторијата за пушење се наоѓа веднаш до излез број 201, односно од левата страна по пасошка контрола и по пунктот за безбедносен преглед.
Покрај собата за пушење, патниците можат да ги користат и отворените тераси од кафетериите кои се наоѓаат на влезот во терминалната зграда на аеродромот.
Пушењето е забрането во останатиот дел од терминалната зграда.
Во случај на општи прашања за кои не ви е потребен итен одговор, жалби или пофалби, пишете ни на customer.mk@tav.aero Тоа е нашиот Оддел за односи со клиенти, од каде во најкус можен рок ќе добиете одговори на Вашите прашања.