ТАВ Македонија: во април ќе се воведе директна линија кон Женева од скопскиот аеродром
ТАВ Македонија: во април ќе се воведе директна линија кон Женева од скопскиот аеродром
Аеродромот „Александар Велики“, опериран од „ТАВ Македонија“, во април следната година на својот распоред ќе ги додаде летовите кон швајцарскиот град Женева
Скопскиот аеродром „Александар Велики“, опериран од „ТАВ Македонија“ се подготвува за експанзија на својата мрежа на дестинации со летовите на авиокомпанијата SWISS кон Женева. „Александар Велики“ ќе биде поврзан со Женева во Швајцарија со директни летови во двете насоки од април 2015 година. Покрај Цирих и Базел, Женева ќе биде третата дестинација во оваа европска земја со која скопскиот аеродром има воздушна врска.
-Ја поздравуваме одлуката на Swiss Airlines од април повторно да лета од Женева за Скопје. Ова е добра вест за нашите ценети патници, нашите иселеници во Швајцарија, како и за бизнис-заедницата во двете држави. Со ова се зголемува и туристичката размена - изјави Зоран Крстевски, генерален директор на „ТАВ Македонија“.
Според летниот распоред на скопскиот аеродром, првиот лет од Скопје до Женева е планиран за четврти април 2015 година. Авиокомпанијата SWISS ќе оперира на оваа авиолинија од „Александар Велики“ секоја сабота од 18 часот и 20 минути. Во текот на летната сезона, SWISS ќе ја опслужува оваа релација двапати неделно, во вторник и во сабота.
- Задоволни сме што можеме позитивно да одговориме на растечката потреба за патувања меѓу Македонија и Швајцарија и да лансираме нова услуга од скопскиот аеродром „Александар Велики“ до Женева - истакна Бернард Водл, директор на SWISS за Австрија и за централна и источна Европа.
„ТАВ Македонија“ за следната година има во план воведување уште нови дестинации, зголемување на фрекфенцијата на постоечките рути, како и подобрување на вкупните услуги кои се нудат на двата аеродроми.
Во однос на новата линија до Женева, како што изјавија од SWISS, авионските билети ќе можат да се резервираат од средината на јануари следната година, на нивната веб-страница swiss.com, како и преку туристичките агенции.
За ТАВ аеродроми
ТАВ аеродроми, еден од водечките аеродромски оператори во светот, управува со аеродромите „Ататурк“ во Истанбул, „Есенбога“ во Анкара, „Аднан Мендерес“ во Измир, Милас во Бодрум, како и аеродромот „Газипаша“ во Алања. Покрај аеродромите во Турција, ТАВ аеродроми управува и со аеродромите во Тбилиси и Батуми во Грузија, „Монастир“ и „Енфида-Хамамет“ во Тунис, аеродромите во Скопје и во Охрид во Македонија, аеродромот во „Медина“ во Саудиска Арабија, како и аеродромот во Загреб, Хрватска. ТАВ Аеродроми се активни и во останатите сектори од аеродромското работење, како бесцаринските продавници, услугите за храна и пијалоци, прифат и отпрема, информациски технологии, обезбедување и аеродромски оперативни услуги. Во оваа смисла, компанијата ТАВ Аеродроми управува и со комерцијалните области на аеродромот во Рига, Латвија. Заедно со сестринските компании, во 2013 година, ТАВ опслужи 652.000 летови и 84 милиони патници. Со котирањето на Истанбулската берза во 2007 година, ТАВ аеродроми стана дел од берзанските индекси за корпоративно управување и одржлив развој.
За SWISS
SWISS International Air Lines (SWISS) е авиокомпанија на Швајцарија. Покрај својот примарен аеродром во Цирих, Женева е клучен аеродром за SWISS, која како авиопревозник е втора по пазарниот удел на женевскиот аеродром. Од јануари до септември 2014 година, SWISS превезе 1,74 милиони патници до и од Женева, како и вкупно над 15 милиони патници во рамки на својата мрежа во светски рамки, со флота од вкупно 90 авиони. Со летниот распоред на летање, SWISS нуди 39 дестинации до кои може да се стигне до Женева, со тенденција на експанзија. Операциите до и од скопскиот аеродром ќе се одвиваат два пати неделно. Верна на своите швајцарски корени, компанијата е посветена на обезбедување на највисокиот квалитет на своите производи и услуги. Како дел од групацијата Луфтханза и членка на Star Alliance, SWISS останува верна на својата визија за обезбедување квалитетни авионски услуги кои ја поврзуваат Швајцарија со Европа и со остатокот од светот.
Корисни информации
Продавници и ресторани
На аеродромот ќе најдете голем број на ресторани, продавници за сувенири, винска продавница, бесцаринска продавница, тобако...
Паркинг
Меѓународен Аеродром Скопје располага со сопствен паркинг простор....
Информации за летови
Информации за пристигнување и заминување на летови на Меѓународниот Аеродром Скопје во реално време
Често поставувани прашања
До/од Меѓународниот Аеродром Скопје има редовен автобуски превоз за патници којшто поминува и застанува на клучни автобуски постојки низ градот Скопје и пристигнува до аеродромот. Со овој автобуски превоз управува компанијата V2V Transporter. Возниот ред на автобусот се подготвува според распоредот на летови на Меѓународниот Аеродром Скопје. Билетот во една насока за автобускиот превоз чини 199 денари. Повеќе информации можете да најдете во делот Водич за патници на веб-страницата, односно на Автобус.
Меѓународниот Аеродром Скопје работи 24/7. Рестораните и кафулињата како Cakes & Bakes, Café In, Burger King и Need Stop им се постојано достапни на патниците; бизнис-салонот (PrimeClass CIP Service) нуди комфор 24/7, а бесцаринската продавница (ATU Duty Free) е отворена согласно летовите и нуди широк асортиман на производи.
Пријавувањето на патниците на шалтерите за пријавување патници и багаж почнува 120 минути (2 часа) пред закажаното време на полетување (STD) наведено на вашиот авионски билет. Времето на затворање на шалтерот за пријавување на аеродромот е најдоцна 40 минути пред закажаното време на полетување наведено на вашиот авионски билет.
За информации во врска со летовите, следете ја веб-страницата на Меѓународниот Аеродром Скопје, во делот Пристигнувања и/или Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.
Доколку Ви се потребни итни дополнителни информации за Вашиот лет, можете да го контактирате Шалтерот за информации на телефонскиот број: +389 2 3148 333, кој работи 24/7.
На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење на новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.
Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.
Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следниот е-мејл: customer.mk@tav.aero
Во случај на изгубен или оштетен багаж, веднаш упатете се во Одделот за изгубен багаж, кој е лоциран близу до лентите за подигнување на багажот, односно во зоната за Пристигнувања во државата и по Пасошка контрола, а пред Царинска контрола.
Нашите вработени ќе ви изготват записник за изгубен/оштетен багаж, со кој потоа ќе се обратите до вашата авиокомпанија. Доколку ви е потребно да го контактирате одделот за изгубен багаж, пишете ни на: lostbaggage@tav.aero
За изгубени/најдени предмети во авион, контактирајте нé на истиот мејл: lostbaggage@tav.aero
Ако изгубите или најдете личен предмет во аеродромската зграда, веднаш пријавете или на Шалтерот за информации или пак кај вработените од обезбедувањето, а доколку сте веќе заминати од аеродромот пишете ни на lost.property@tav.aero
Сите детали на: http://skp.airports.com.mk/.../airpo.../page/lost-luggage-mk
Да. Од 2015 година ТАВ Македонија има воведено бесплатен безжичен, Wi-Fi, интернет на Меѓународниот Аеродром Скопје. Патниците можат преку нивните мобилни уреди да го користат бесплатниот безжичен интернет со едноставно приклучување на безжичната мрежа со име: TAV Airports, без потреба од впишување лозинка.
Вашето возило може да го паркирате на нашиот паркинг без претходна резервација. Оваа услуга е достапна 24/7 на Меѓународниот Аеродром Скопје.
Ценовник за паркинг:
1ч – МКД 100
2ч – МКД 150
3ч – МКД 200
4ч – МКД 300
4-6ч – МКД 400
6-8ч – МКД 500
8-24ч – МКД 1,000
3-5 дена – МКД 3,500
5-7 дена – МКД 4,500
Секој нареден ден – МКД 400
За повеќе информации за паркинг услугите, ве молиме кликнете на Паркинг.
Да. Меѓународниот Аеродром Скопје има посебно означени паркинг-места за лицата со попреченост и паркингот за нив е бесплатен во рок од 24 часа. Со покажување на сообраќајната дозвола и легитимацијата за попреченоста на Шалтерот за наплата на паркинг, лоциран во терминалната зграда, нашите вработени ќе го поништат паркинг-билетот и лицето со попреченост автоматски ќе биде ослободено од плаќање паркинг. Доколку сите паркинг-места за лицата со попреченост се зафатени, паркирајте се на обично место и следејќи ја истата постапка ќе бидете ослободени од плаќање паркинг.
За повеќе информации за паркинг услугите, ве молиме кликнете на Паркинг или на http://skp.airports.com.mk/mk-MK/passenger-guide-mk/page/-passengers-with-disabilities-and-passengers-with-reduced-mobility-prm-mk-
За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате:
https://en.aegeanair.com/travel-information/special-assistance/traveling-with-pet/
https://www.turkishairlines.com/en-us/any-questions/traveling-with-pets/
https://www.croatiaairlines.com/Travel-info/Special-passenger-categories/Animals
https://www.qatarairways.com/en/baggage/animals.html
https://www.austrian.com/Info/Flying/TransportationAnimals
https://www.flypgs.com/en/write-to-us/a0j58000000NHWFAA4#sf-1
Wizz Air не дозволува домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.
https://wizzair.com/en-gb/information-and-services/travel-information/baggage
Да. Меѓународниот Аеродром Скопје има Служба за помош на патници со попреченост и патници со намалена подвижност – PRM. Службата каде што може да се најде оваа бесплатна услуга, се наоѓа веднаш до Шалтерот за информации, во терминалната зграда. Како личност со намалена подвижност (PRM) се подразбира секое лице чија подвижност е намалена поради физичка попреченост (сензорна или локомоторна), интелектуален дефицит, возраст, болест или друга причина.
Да. На Меѓународниот Аеродром Скопје има просторија за пушење, која се наоѓа во безбедносно-контролираната зона. Просторијата за пушење се наоѓа веднаш до излез број 201, односно од левата страна по пасошка контрола и по пунктот за безбедносен преглед.
Покрај собата за пушење, патниците можат да ги користат и отворените тераси од кафетериите кои се наоѓаат на влезот во терминалната зграда на аеродромот.
Пушењето е забрането во останатиот дел од терминалната зграда.
Во случај на општи прашања за кои не ви е потребен итен одговор, жалби или пофалби, пишете ни на customer.mk@tav.aero Тоа е нашиот Оддел за односи со клиенти, од каде во најкус можен рок ќе добиете одговори на Вашите прашања.