Безбедносна проверка

Безбедносна проверка

Процедура за безбедносна проверка – патници и кабински (рачен) багаж 

По пасошка контрола и по проверка на вашите документи за патување, следната проверка е на пунктот за безбедносна проверка.  
За повеќето патници безбедносната проверка е еден од најстресните моменти и процеси при патувањето со авион. Но, не грижете се, нашиот добро обучен персонал за безбедносна проверка ќе ве води низ процесот.
За ваша безбедност, апелираме сами да го спакувате вашиот багаж и да не прифаќате ниту еден предмет или пакет што ви е даден за да го однесете, превезете до или во име на некој друг. 
Исто така, важно е да имате предвид дека одредени предмети што може да претставуваат ризик се забранети или превезувањето на истите во авион е ограничено. Ве молиме проверете ги регулативите и правилата пред да се пакувате за да избегнете какви било непријатни ситуации за време на безбедносната проверка на аеродромот.  
Бидете сигурни дека во вашиот багаж нема опасни материи и забранети предмети и дека не носите со вас некој од забранетите предмети. Проверете ги применетите стандардни правила за аеродромска безбедност. 
На пунктот за безбедносна проверка, вие и вашиот кабински (рачен) багаж ќе бидете прегледани со помош на метал-детектор врата и рендген уред, соодветно. 
За непречена и брза безбедносна проверка, подолу ви даваме неколку совети како без стрес да поминете на пунктот за безбедносна проверка. 
-    Течностите во кабинскиот (рачниот) багаж, треба да бидат спакувани во единечна амбалажа со максимален капацитет од 100 милилитри (100 ml), а потоа сите единечни амбалажи да се спакувани во проѕирна пластична кеса со патент со максимален капацитет од 1 литар (1l). На пунктот за безбедносна проверка, приложете ја и ставете ја кесата со патент со капацитет од 1 литар во пластичната корпа каде ќе ги ставите и сите ваши лични предмети.  
-    Сите електронски уреди што се носат во кабинскиот (рачниот) багаж треба да се извадат од багажот и да се стават одделно во пластичната корпа.  
-    Потребно е да се соблече јакната, палтото и/или елекот и да се извади/ат ременот, очилата и накитот (доколку се носат) и внимателно и безбедно да се стават во пластичната корпа.  
-    Сите џебови треба да се испразнат и сите лични предмети да се стават во пластичната корпа, бидејќи џебовите мора да се празни пред да се помине на скенерот.   
-    ❗ Бидете внимателни и бидете сигурни дека сите ваши електронски уреди, предметите од џебовите, накитот и сите ваши лични предмети се соодветно ставени во пластичната корпа, за да избегнете какво било оштетување при безбедносната проверка.  
-    Ако патувате со лекови и медицинска опрема и/или медицински помагала, ве молиме имајте со себе дигитален и/или печатен примерок од рецептот или белешката од доктор за да потврдите дека спакуваните лекови се ваши. Лековите чувајте ги во нивната оригинална амбалажа. Бидете сигурни дека лековите се јасно и соодветно означени и етикетирани.  
-    Доколку имате медицински уред(и), медицинско/и помагало/а или имплант/и (на пр. пејсмејкер), известете ги референтите на пунктот за безбедносна проверка пред да бидете прегледани на пунктот за безбедносна проверка.
-    Строго следете ги упатствата дадени од страна на нашите колеги на пунктот за безбедносна проверка.

Корисни информации

Паркинг
Паркинг

Меѓународен Аеродром Скопје располага со сопствен паркинг простор....

Информации за летови
Информации за летови

Информации за пристигнување и заминување на летови на Меѓународниот Аеродром Скопје во реално време

Често поставувани прашања

До/од Меѓународниот Аеродром Скопје има редовен автобуски превоз за патници којшто поминува и застанува на клучни автобуски постојки низ градот Скопје и пристигнува до аеродромот. Со овој автобуски превоз управува компанијата V2V Transporter. Возниот ред на автобусот се подготвува според распоредот на летови  на Меѓународниот Аеродром Скопје. Билетот во една насока за автобускиот превоз чини 199 денари. Повеќе информации можете да најдете во делот Водич за патници на веб-страницата, односно на Автобус.

Меѓународниот Аеродром Скопје работи 24/7. Рестораните и кафулињата како Cakes & Bakes, Café In, Burger King и Need Stop им се постојано достапни на патниците; бизнис-салонот (PrimeClass CIP Service) нуди комфор 24/7, а бесцаринската продавница (ATU Duty Free) е отворена согласно летовите и нуди широк асортиман на производи.

Пријавувањето на патниците на шалтерите за пријавување патници и багаж почнува 120 минути (2 часа) пред закажаното време на полетување (STD) наведено на вашиот авионски билет. Времето на затворање на шалтерот за пријавување на аеродромот е најдоцна 40 минути пред закажаното време на полетување наведено на вашиот авионски билет.

За информации во врска со летовите, следете ја веб-страницата на Меѓународниот Аеродром Скопје, во делот Пристигнувања и/или Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.

Доколку Ви се потребни итни дополнителни информации за Вашиот лет, можете да го контактирате Шалтерот за информации на телефонскиот број: +389 2 3148 333, кој работи 24/7.

На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење на новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.

Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.

Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следниот е-мејл: customer.mk@tav.aero

 

Во случај на изгубен или оштетен багаж, веднаш упатете се во Одделот за изгубен багаж, кој е лоциран близу до лентите за подигнување на багажот, односно во зоната за Пристигнувања во државата и по Пасошка контрола, а пред Царинска контрола. 
Нашите вработени ќе ви изготват записник за изгубен/оштетен багаж, со кој потоа ќе се обратите до вашата авиокомпанија. Доколку ви е потребно да го контактирате одделот за изгубен багаж, пишете ни на: lostbaggage@tav.aero 
За изгубени/најдени предмети во авион, контактирајте нé на истиот мејл: lostbaggage@tav.aero 
Ако изгубите или најдете личен предмет во аеродромската зграда, веднаш пријавете или на Шалтерот за информации или пак кај вработените од обезбедувањето, а доколку сте веќе заминати од аеродромот пишете ни на lost.property@tav.aero   
Сите детали на: http://skp.airports.com.mk/.../airpo.../page/lost-luggage-mk

Да. Од 2015 година ТАВ Македонија има воведено бесплатен безжичен, Wi-Fi, интернет на Меѓународниот Аеродром Скопје. Патниците можат преку нивните мобилни уреди да го користат бесплатниот безжичен интернет со едноставно приклучување на безжичната мрежа со име: TAV Airports, без потреба од впишување лозинка.

Вашето возило може да го паркирате на нашиот паркинг без претходна резервација. Оваа услуга е достапна 24/7 на Меѓународниот Аеродром Скопје.
Ценовник за паркинг:
1ч – МКД 100
2ч – МКД 150 
3ч – МКД 200 
4ч – МКД 300 
4-6ч – МКД 400
6-8ч – МКД 500
8-24ч – МКД 1,000
3-5 дена – МКД 3,500
5-7 дена – МКД 4,500
Секој нареден ден – МКД 400     
За повеќе информации за паркинг услугите, ве молиме кликнете на Паркинг.

Да. Меѓународниот Аеродром Скопје има посебно означени паркинг-места за лицата со попреченост и паркингот за нив е бесплатен во рок од 24 часа. Со покажување на сообраќајната дозвола и легитимацијата за попреченоста на Шалтерот за наплата на паркинг, лоциран во терминалната зграда, нашите вработени ќе го поништат паркинг-билетот и лицето со попреченост автоматски ќе биде ослободено од плаќање паркинг. Доколку сите паркинг-места за лицата со попреченост се зафатени, паркирајте се на обично место и следејќи ја истата постапка ќе бидете ослободени од плаќање паркинг.
За повеќе информации за паркинг услугите, ве молиме кликнете на Паркинг или на http://skp.airports.com.mk/mk-MK/passenger-guide-mk/page/-passengers-with-disabilities-and-passengers-with-reduced-mobility-prm-mk-

За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате:

https://en.aegeanair.com/travel-information/special-assistance/traveling-with-pet/

https://www.airserbia.com/en/information/ancillary-services/traveling-with-your-pets/about-the-service

https://www.turkishairlines.com/en-us/any-questions/traveling-with-pets/

https://www.croatiaairlines.com/Travel-info/Special-passenger-categories/Animals

https://www.qatarairways.com/en/baggage/animals.html

https://www.austrian.com/Info/Flying/TransportationAnimals

https://www.flypgs.com/en/write-to-us/a0j58000000NHWFAA4#sf-1

https://www.flydubai.com/en/

https://www.lot.com/

https://www.flyedelweiss.com/EN/prepare/flight-preparation/animals-travelling/Pages/general-information.aspx

 

Wizz Air не дозволува домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.

https://wizzair.com/en-gb/information-and-services/travel-information/baggage

Да. Меѓународниот Аеродром Скопје има Служба за помош на патници со попреченост и патници со намалена подвижност – PRM. Службата каде што може да се најде оваа бесплатна услуга, се наоѓа веднаш до Шалтерот за информации, во терминалната зграда. Како личност со намалена подвижност (PRM) се подразбира секое лице чија подвижност е намалена поради физичка попреченост (сензорна или локомоторна), интелектуален дефицит, возраст, болест или друга причина.

Да. На Меѓународниот Аеродром Скопје има просторија за пушење, која се наоѓа во безбедносно-контролираната зона. Просторијата за пушење се наоѓа веднаш до излез број 201, односно од левата страна по пасошка контрола и по пунктот за безбедносен преглед.
Покрај собата за пушење, патниците можат да ги користат и отворените тераси од кафетериите кои се наоѓаат на влезот во терминалната зграда на аеродромот.
Пушењето е забрането во останатиот дел од терминалната зграда.

Во случај на општи прашања за кои не ви е потребен итен одговор, жалби или пофалби, пишете ни на customer.mk@tav.aero Тоа е нашиот Оддел за односи со клиенти, од каде во најкус можен рок ќе добиете одговори на Вашите прашања.