Аеродромска безбедност
Аеродромска безбедност
Вашата безбедност и сигурност се наш приоритет. За непречено патување, ве молиме следете ги овие насоки пред патувањето:
- Пристигнете на аеродром навреме. Шалтерите за чекирање вообичаено се отвораат два часа пред поаѓањето.
- Спакувајте го багажот самостојно и не пренесувајте предмети за други лица.
- Проверете ги ограничувањата за забранети предмети, опасни материи и течности пред пакувањето.
- Никогаш не го оставајте багажот без надзор.
По чекирањето, предавањето на багажот, пасошката и царинската контрола, упатете се кон пункт безбедносна контрола, каде што вашиот рачен багаж и личните предмети ќе бидат прегледани со безбедносни скенери, а вие ќе поминете низ детектор за метал.
Постапка за безбедносна контрола на Меѓународниот Аеродром Скопје
За побрзо и поефикасно поминување низ безбедносната контрола, ве молиме следете ги насоките подолу и секогаш постапувајте според упатствата на персоналот за обезбедување.
Подготовка на рачниот багаж за безбедносна контрола
Безбедносни ленти со КТ технологија
- Течностите може да останат во рачниот багаж и се дозволени во садови до 2 литри поединечно. Не постои ограничување на вкупната количина течности.
- Не е потребно користење проѕирни пластични ќеси.
- Електронските уреди може да останат во рачниот багаж.
Стандардни безбедносни ленти
Доколку бидете упатени кон лента со конвенционален рендген скенер:
- Течностите мора да бидат во садови до 100 ml и спакувани во една проѕирна пластична кеса што може повторно да се затвори – зипер кеса (максимум 1 литар).
- Течностите и електронските уреди мора да се извадат од рачниот багаж за посебен преглед.
Патниците ќе бидат информирани која постапка за контрола се применува.
Безбедносна контрола на патници
Пред безбедносната контрола:
- Ставете ги личните предмети, вклучувајќи клучеви, паричник, ситни пари и мобилен телефон, во пластичната корпа или во рачниот багаж.
- Следете ги упатствата за јакни, ремени, часовници и други предмети.
- Известете го персоналот за обезбедување доколку носите кршливи предмети.
Лекови, бебешка храна и медицински помагала
- Лековите и бебешката храна потребни за време на патувањето се дозволени во рачниот багаж.
- Носете соодветна документација кога е применливо и чувајте ги лековите во оригиналното пакување.
- Медицинската опрема и помагалата се прегледуваат во согласност со безбедносните процедури.
Медицински импланти
Патниците со пејсмејкери, импланти или други медицински уреди треба да го известат персоналот за обезбедување пред контролата.
Дополнителна контрола
Дополнителна контрола на патниците или багажот, вклучително и посебен преглед на течности, електронски уреди или други предмети може да биде потребна.
Важни информации
Технологијата со КТ ја поедноставува безбедносната контрола, но НЕ ги менува ограничувањата поврзани со:
- Забранети предмети
- Опасни материи
- Предмети со ограничувања
- Специфични барања на авиокомпаниите за превоз
Опасни материи
Ограничувања може да важат за:
- Резервни литиумски батерии и надворешни батерии (power banks)
- Електронски цигари
- Помагала за мобилност со литиумски батерии
- Сув мраз и други опасни материи
Пред патувањето, патниците треба да ги проверат применливите барања и правила на авиокомпанија со која ќе патуваат.
Корисни информации
Паркинг
Меѓународен Аеродром Скопје располага со сопствен паркинг простор....
Информации за летови
Информации за пристигнување и заминување на летови на Меѓународниот Аеродром Скопје во реално време
Често поставувани прашања
До/од Меѓународниот Аеродром Скопје има редовен автобуски превоз за патници којшто поминува и застанува на клучни автобуски постојки низ градот Скопје и пристигнува до аеродромот. Со овој автобуски превоз управува компанијата V2V Transporter. Возниот ред на автобусот се подготвува според распоредот на летови на Меѓународниот Аеродром Скопје. Билетот во една насока за автобускиот превоз чини 199 денари. Повеќе информации можете да најдете во делот Водич за патници на веб-страницата, односно на Автобус.
Меѓународниот Аеродром Скопје работи 24/7. Рестораните и кафулињата како Cakes & Bakes, Café In, Burger King и Need Stop им се постојано достапни на патниците; бизнис-салонот (PrimeClass CIP Service) нуди комфор 24/7, а бесцаринската продавница (ATU Duty Free) е отворена согласно летовите и нуди широк асортиман на производи.
Пријавувањето на патниците на шалтерите за пријавување патници и багаж почнува 120 минути (2 часа) пред закажаното време на полетување (STD) наведено на вашиот авионски билет. Времето на затворање на шалтерот за пријавување на аеродромот е најдоцна 40 минути пред закажаното време на полетување наведено на вашиот авионски билет.
За информации во врска со летовите, следете ја веб-страницата на Меѓународниот Аеродром Скопје, во делот Пристигнувања и/или Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.
Доколку Ви се потребни итни дополнителни информации за Вашиот лет, можете да го контактирате Шалтерот за информации на телефонскиот број: +389 2 3148 333, кој работи 24/7.
На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење на новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.
Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.
Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следниот е-мејл: customer.mk@tav.aero
Во случај на изгубен или оштетен багаж, веднаш упатете се во Одделот за изгубен багаж, кој е лоциран близу до лентите за подигнување на багажот, односно во зоната за Пристигнувања во државата и по Пасошка контрола, а пред Царинска контрола.
Нашите вработени ќе ви изготват записник за изгубен/оштетен багаж, со кој потоа ќе се обратите до вашата авиокомпанија. Доколку ви е потребно да го контактирате одделот за изгубен багаж, пишете ни на: lostbaggage@tav.aero
За изгубени/најдени предмети во авион, контактирајте нé на истиот мејл: lostbaggage@tav.aero
Ако изгубите или најдете личен предмет во аеродромската зграда, веднаш пријавете или на Шалтерот за информации или пак кај вработените од обезбедувањето, а доколку сте веќе заминати од аеродромот пишете ни на lost.property@tav.aero
Сите детали на: http://skp.airports.com.mk/.../airpo.../page/lost-luggage-mk
Да. Од 2015 година ТАВ Македонија има воведено бесплатен безжичен, Wi-Fi, интернет на Меѓународниот Аеродром Скопје. Патниците можат преку нивните мобилни уреди да го користат бесплатниот безжичен интернет со едноставно приклучување на безжичната мрежа со име: TAV Airports, без потреба од впишување лозинка.
Вашето возило може да го паркирате на нашиот паркинг без претходна резервација. Оваа услуга е достапна 24/7 на Меѓународниот Аеродром Скопје.
Ценовник за паркинг:
1ч – МКД 100
2ч – МКД 150
3ч – МКД 200
4ч – МКД 300
4-6ч – МКД 400
6-8ч – МКД 500
8-24ч – МКД 1,000
3-5 дена – МКД 3,500
5-7 дена – МКД 4,500
Секој нареден ден – МКД 400
За повеќе информации за паркинг услугите, ве молиме кликнете на Паркинг.
Да. Меѓународниот Аеродром Скопје има посебно означени паркинг-места за лицата со попреченост и паркингот за нив е бесплатен во рок од 24 часа. Со покажување на сообраќајната дозвола и легитимацијата за попреченоста на Шалтерот за наплата на паркинг, лоциран во терминалната зграда, нашите вработени ќе го поништат паркинг-билетот и лицето со попреченост автоматски ќе биде ослободено од плаќање паркинг. Доколку сите паркинг-места за лицата со попреченост се зафатени, паркирајте се на обично место и следејќи ја истата постапка ќе бидете ослободени од плаќање паркинг.
За повеќе информации за паркинг услугите, ве молиме кликнете на Паркинг или на http://skp.airports.com.mk/mk-MK/passenger-guide-mk/page/-passengers-with-disabilities-and-passengers-with-reduced-mobility-prm-mk-
За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате:
https://en.aegeanair.com/travel-information/special-assistance/traveling-with-pet/
https://www.turkishairlines.com/en-us/any-questions/traveling-with-pets/
https://www.croatiaairlines.com/Travel-info/Special-passenger-categories/Animals
https://www.qatarairways.com/en/baggage/animals.html
https://www.austrian.com/Info/Flying/TransportationAnimals
https://www.flypgs.com/en/write-to-us/a0j58000000NHWFAA4#sf-1
Wizz Air не дозволува домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.
https://wizzair.com/en-gb/information-and-services/travel-information/baggage
Да. Меѓународниот Аеродром Скопје има Служба за помош на патници со попреченост и патници со намалена подвижност – PRM. Службата каде што може да се најде оваа бесплатна услуга, се наоѓа веднаш до Шалтерот за информации, во терминалната зграда. Како личност со намалена подвижност (PRM) се подразбира секое лице чија подвижност е намалена поради физичка попреченост (сензорна или локомоторна), интелектуален дефицит, возраст, болест или друга причина.
Да. На Меѓународниот Аеродром Скопје има просторија за пушење, која се наоѓа во безбедносно-контролираната зона. Просторијата за пушење се наоѓа веднаш до излез број 201, односно од левата страна по пасошка контрола и по пунктот за безбедносен преглед.
Покрај собата за пушење, патниците можат да ги користат и отворените тераси од кафетериите кои се наоѓаат на влезот во терминалната зграда на аеродромот.
Пушењето е забрането во останатиот дел од терминалната зграда.
Во случај на општи прашања за кои не ви е потребен итен одговор, жалби или пофалби, пишете ни на customer.mk@tav.aero Тоа е нашиот Оддел за односи со клиенти, од каде во најкус можен рок ќе добиете одговори на Вашите прашања.