TAV Aerporte njofton: AEGEAN prezanton një fluturim të ri direkt nga Shkupi në ishullin e Korfuzit nga qershori

Nga 1 qershori 2024, falë linjës ajrore kombëtare greke AEGEAN, e cila është anëtare e STAR ALLIANCE, do të prezantojë një linjë të re ajrore direkte sezonale nga Aeroporti Ndërkombëtar Shkup për në Aeroportin e Korfuzit, dhe kjo do të mundësojë një lidhje të jashtëzakonshme dhe unike mes qytetit energjik të Shkupit dhe ishullit piktoresk të Korfuzit në Greqi, raporton TAV Aerporte. 

Duke filluar nga 1 qershori, udhëtarët do të kenë mundësinë të përjetojnë bukurinë dhe sharmin e Korfuzit, monumentet e tij historike, peizazhet e bukura natyrore dhe detin e kristaltë, me një fluturim direkt nga Aeroporti i Shkupit, i operuar nga AEGEAN.  “Si operator aeroporti, jemi shumë të lumtur të njoftojmë prezantimin e linjës së re sezonale ajrore të AEGEAN që do të lidhë Shkupin me Korfuzin nga 1 qershori. Pas Athinës dhe Sarajevës, fluturimi direkt për në Korfuz do të jetë destinacioni i tretë që prezanton AEGEAN nga Aeroporti Ndërkombëtar Shkup. Kjo linjë ajrore e re për turizëm rekreativ është dëshmi se partneriteti dhe bashkëpunimi me AEGEAN vazhdon me zgjerimin e lidhjes së Shkupit. Kjo linjë ajrore do të ofrojë lehtësi dhe rehati për pasagjerët tanë që dëshirojnë të arrijnë në një nga ishujt më tërheqës grekë si destinacion pushimi”. – tha Nexhat Kurt, drejtori i përgjithshëm i TAV Maqedoni.    AEGEAN do të fluturojë në këtë linjë ajrore sezonale, Shkup - Korfuz, deri në fund të shtatorit, me 2 frekuenca javore, ose çdo të shtunë (e diel) dhe çdo të martë (të mërkurë).

Koha e nisjes, të shtunën dhe të martën, nga aeroporti i Shkupit do të jetë në orën 21:35 (me orën lokale), dhe ora e mbërritjes në aeroportin e Korfuzit në orën 23:50 (koha lokale), ndërsa ora e nisjes, të dielën dhe të mërkurën, nga aeroporti i Korfuzit do të jetë në orën 00:20 (koha lokale), dhe ora e mbërritjes në aeroportin e Shkupit do të jetë në orën 00:30 (koha lokale).
Biletat e avionit janë të disponueshme në faqen zyrtare të  AEGEAN, https://en.aegeanair.com/ si dhe nëpërmjet agjencive të udhëtimit.

Pasagjerët mund të presin të përjetojnë mikpritjen e njohur dhe përsosmërinë e shërbimit të AEGEAN në udhëtimin e tyre nga Shkupi në Korfuz. Pavarësisht nëse jeni duke udhëtuar për biznes apo për argëtim, kjo linjë ajrore e re sezonale do të ofrojë një udhëtim të qetë dhe të këndshëm.

“Pas prezantimit të fluturimit të AEGEAN që lidh Shkupin dhe Sarajevën tetorin e kaluar, tani kemi kënaqësinë të njoftojmë prezantimin e një linje tjetër të re ajrore direkte nga Shkupi në Korfuz. Nga qershori, pasagjerët nga Shkupi do të kenë mundësinë të udhëtojnë drejtpërdrejt në Korfuz dy herë në javë dhe të shijojnë një eksperiencë unike udhëtimi me komoditetin dhe sigurinë që ofron AEGEAN. Me këtë fluturim të ri shtesë, ne po rrisim lidhjen dhe po zgjerojmë praninë tonë në rajonin e Ballkanit, ndërkohë që ofrojmë mundësi më të mëdha për pasagjerët”. – tha Pepi Stamati, zëvendësdrejtor komercial për rrjetin dhe të ardhurat.   Përfaqësuesit e TAV Aerporte besojnë se kjo linjë ajrore e re sezonale do ta pasurojë edhe më shumë portofolin e Aeroportit Ndërkombëtar Shkup dhe hartën e rrjetit të lidhjeve ajrore, veçanërisht pasi Korfuzi është një destinacion tërheqës veror që tani mund të arrihet për vetëm një orë e 15 minuta. 

TAV Maqedonia, filiali i TAV Aerporte, përfundoi janarin dhe shkurtin e vitit 2024 me 243.244 pasagjerë në dy aeroportet maqedonase - Aeroporti Ndërkombëtar Shkup dhe Shën Apostulli Pal Ohër, që paraqet një rritje prej 47% krahasuar me janar dhe shkurt të vitit 2023. Në të njëjtën kohë, numri i fluturimeve në dy aeroportet në dy muajt e parë është 1931, me një rritje vjetore prej 38%.