Nejat Kurt, u emërua Drejtor i përgjithshëm i TAV Maqedoni

Metin Batak, i cili ishte Drejtor i përgjithshëm i TAV Maqedoni nga muaji tetor i vitit 2020, tani është emëruar anëtar i Bordit ekzekutiv të TAV Tunis 
TAV Maqedoni, filialë e TAV Aeroporte, e emëroi Nejat Kurt për drejtor të ri të përgjthshëm, nga data 1 maj 2023. Metin Batak e lëshon pozitën Drejtor i përgjithshëm dhe do të emërohet anëtar i Bordit ekzekutiv i kompanisë TAV Tunis, e cila menaxhon me aeroportet Enfida Hamamet dhe Monastir. 

- “Gjatë mandatit tim në TAV Maqedoni, së bashku me gjithë ekipin menaxhues kemi arritur sukses të jashtëzakonshëm me rritje të trefishtë të numrit të pasagjerëve në dy aeroportet në Maqedoni, në periudhën nga viti 2010 deri në vitin 2019. Me shfaqjen e krizës Kovid-19, u detyruam të ballafaqohemi me sfidat më të mëdha në aviacion, gjëra të cilat negativisht u pasqyruan mbi dy aeroportet në Maqedoni – Aeroporti Ndërkombëtar i Shkupit dhe Aeroporti Shën Apostulli Pal - Ohër. Së bashku me ekipin tonë të punonjësve të jashtëzakonshëm, me kolegët e mi menaxherë, si dhe në bashkëpunim të ngushtë me palët e përfshira, e kemi menaxhuar rimëkëmbjen e aviacionit civil të Maqedonisë, që filloi në vitin 2022. Përkrah të gjitha pengesave në qarkullimin ajror, stafi ynë edhe më tej vazhdoi të ofrojë eksperiencë të shkëlqyeshme për pasagjerët, ndaj edhe ishim fitues të çmimit – ASQ, për cilësi të shërbimeve të aeroportit të Shkupit për vitet 2022 dhe 2021. Jam i bindur që rikuperimi i qarkullimit ajror të pasagjerëve në aeroportin e Shkupit dhe aeroportin e Ohrit  do të vazhdojë dhe se kjo do të kontribuojë për zhvillimin ekonomik të vendit”, deklaroi Metin Batak.   - “Dëshiroj t’i shpreh falënderim kolegut tim Metin Batak për kontributin e tij të çmuar me udhëheqjen gjatë viteve të kaluara. Të dy punojmë në tregun maqedonas nga hyrja e TAV, ndërsa në pozitat më të larta të menaxhimit kemi ardhur para pandemisë me Kovid-19. Kështu, së bashku kemi drejtuar aeroportin e Shkupit dhe atë të Ohrit nëpër “stuhinë” më të madhe për aviacionin – kriza me Kovid-19. Kemi pasur bashkëpunim të ngushtë dhe jemi përballur me çdo sfidë, duke i ndërmarrë përpjekjet tona më të mira për rimëkëmbjen e qarkullimit të pasagjerëve, duke e mbajtur motivimin e punonjësve në nivel të lartë me qëllim që ta mirëmbajmë biznes-modelin tonë. Tani, ndërsa jemi duke kaluar nëpër valën pozitive të rritjes në qarkullimin e pasagjerëve, kolegët e mi dhe unë do të bëjmë përpjekje maksimale që kjo tendencë të vazhdojë, veçanërisht tani, në periudhën e ndryshimeve pas pandemisë. Si asnjëherë më parë, jemi të fokusuar të vazhdojmë ta përkrahim, ta përmirësojmë dhe t’i japim prioritet përjetimit të pasagjerëve nga dy aeroportet tona ndërsa shikojmë drejt ardhmërisë dhe i përcaktojmë qëllimet tona të cilat dëshirojmë t’i realizojmë. Edhe më tutje do t’i zhvillojmë aeroportin në Shkup dhe atë në Ohër, duke i shndërruar në qendra të Ballkanit. Me përvojat tona individuale shumëvjeçare në menaxhimin me aeroportet si dhe njohuritë dhe shkathtësitë e kompanisë tonë amë – TAV Aeroporte në nivel ndërkombëtar, do t’i përcjellim trendet botërore të aviacionit, do të drejtojmë projekte të reja dhe do të vazhdojmë t’u shërbejmë klientëve tanë në mënyrën më të mirë të mundur”, deklaroi Nejat Kurt, Drejtor i përgjithshëm i TAV Maqedoni.   
Nejat Kurt punon në sektorin e aviacionit 23 vite, ndërsa ngа hyrja e TAV në tregun e Maqedonisë, ai është pjesë e menaxhmentit të lartë të TAV Maqedoni. Në vitin 2008, nga ana e TAV Aeroporte është emëruar për një nga menaxherët të cilët e drejtuan projektin për koncesion në Maqedoni. Ai punoi në aeroportin e Shkupit 2 vite, ndërsа në vitin 2010 është emëruar Menaxher i Aeroporti Shën Apostulli Pal - Ohër. Dy vite më vonë, në vitin 2012 u emërua Menaxher i Aeroportit të Shkupit dhe ka menaxhuar me operacionet e përgjithshme të aeroportit në kryeqytetin e Maqedonisë. Në vitin 2014, TAV Aeroporte e emëroi Kurt për Koordinator për tranzicion në aeroportin ndërkombëtar Princ Mohamed Bin Abdulaziz në Medinë, Arabia Saudite. Atje, z. Kurt e organizoi tranzicionin nga terminali i vjetër në terminal të ri aeroporti. Aeroporti ndërkombëtar Princ Mohamed Bin Abdulaziz në Medinë, Arabia Saudite është aeroporti i parë i privatizuar në Arabinë Saudite. Në vitin 2016, Kurt u emërua Koordinator për ORAT përkatësisht Koordinator për gatishmëri operative dhe transfer aeroporti në terminal dhe në zonë publike të aeroportit në Zagreb, Kroaci. Ai punoi së bashku me Grupacionin francez (ADP Group), për të siguruar tranzicion dhe punë të suksesshme të aeroportit, derisa nuk përfundoi ndërtimi i objektit të ri të terminalit në aeroportin në Zagreb dhe terminali i ri u lëshua në funksion në vitin 2017. Më gusht të vitit 2017, Kurt u caktua Koordinator për operacione aeroporti në 3 aeroporte që janë ndërmarrë nën koncesion prej Mbretërisë së Arabisë Saudite nga ana e TAV Aeroporte. Pas kësaj, vijon roli – Kryetar i Komitetit përgjegjës për digjitalizim të aeroportit, në Medinë në vitin 2018. Kah fundi i vitit 2018, Kurt u kthye në Maqedoni, si Koordinator për operacione aeroporti, përgjegjës për punën e përgjithshme operative të aeroporteve në Shkup dhe Ohër. 
Në tremujorin e parë të vitit 2019, Kurt u përcaktua zëvendës i Drejtorit të përgjithshëm për operacione të TAV Maqedoni. Nejat Kurt është turk me prejardhje, i lindur dhe i rritur në Gjermani. Pas mbarimit të arsimit të mesëm, ai vazhdoi arsimin e lartë në studimet për turizëm dhe menaxhim hotelerik në Universitetin Tekirdag në Turqi. Ka diplomuar për shkenca politike dhe diplomaci në Universitetin Amerikan të Evropës në Shkup. Momentalisht, Kurt është në studime master për menaxhment aviatik në Universitetin Dunav në Krems, Austri. Ai është profesionist i diplomuar për menaxhim me aeroporte dhe bartës i titullit Profesionist për operacione aeroporti (IAP – Airport Operations Professional) i aprovuar nga ICAO – Organizata ndërkombëtare për aviacion civil dhe nga ACI – Këshilli ndërkombëtar i aeroporteve.
Krahas turqishtes, gjuha e tij amtare, Kurt flet rrjedhshëm edhe anglishten dhe gjermanishten. TAV Maqedoni, operatori i Aeroportit Ndërkombëtar të Shkupit dhe i Aeroportit Shën Apostulli Pal - Ohër, ka përmbyllur katër muajt e parë të vitit 2023, janar – prill, me 753.377 pasagjerë në dy aeroportet e Maqedonisë, që paraqet rritje për 44% në raport me periudhën e njëjtë të vitit 2022, kurse 8% në raport me vitin 2019, i cili konsiderohet si vit referues. Në të njëjtën kohë, numri i fluturimeve në dy aeroportet është 6.010, që paraqet rritje vjetore prej 35% dhe rritje prej 4% krahasuar me vitin 2019.