ТAV PROMOVON AEROPORTIN E OHRIT NË SHQIPËRI
TAV Maqedonia, sot në Elbasan, Shqipëri, paraqiti mundësitë për udhëtime të lira nga Aeroporti i Shën Apostol Palit në Ohër dhe Aeroporti Ndërkombëtar i Shkupit për qytetarët e Shqipërisë, në një takim me agjencitë turistike lokale në këtë qytet në pjesën qendrore të Shqipërisë.
Përveç promovimit të rrjetit të linjave ajrore të aeroporteve të Shkupit dhe të Ohrit, TAV Maqedonia sot, agjensive turistike në rajonin e Elbasanit ia theksoi rëndësinë e futjes së një linje të rregullt nga Elbasani në aeroportin e Ohrit, pasi futja e një linje të tillë të regullt autobusi me të vërtetë do të vejë në dispozicion afërsinë e të dy qyteteve, të cilët kanë një kargësi prej 86 km ose vetëm një orë e gjysëm larg njeri-tjetrit.
- Aeroporti i Ohrit është shumë afër Elbasanit, vetëm 1.5 orë me makinë, por dy qytetet nuk kanë linja të rregullta autobusi. Shqipëria, sidomos Elbasani është në zonën tone gravitacionale me potencial të madh për Aeroportin e Ohrit. Rrjedhimisht, linjat ajrore me kosto të ulët nga Aeroporti i Ohrit dhe afërsia gjeografike e të dy qyteteve mund të shfrytëzohen plotësisht nëse bashkërisht përkushtojmë përpjekjet tona për të arritur këtë qëllim. Për këtë arsye sot jemi këtu, që të informojmë agjencitë turistike lokale dhe publikun shqiptar për përfitimet që do të ndiejnë nëse zgjedhin aeroportin e Ohrit për udhëtimet e tyre, deklaroi Nexhat Kurt, Zëvendës Drejtor i Përgjithshëm për Operacione në TAV Maqedoni, pas takimit të mbajtur me operatorët turistikë vendës në Elbasan, Shqipëri.
Siç u tha nga TAV Macedonia në Elbasan, Aeroporti i Shën Apostol Palit në Ohër ka gjithsej 18 destinacione, 8 prej të cilave janë të rregullta dhe në të njëjtën kohë janë fluturime ajrore me kosto të ulët gjatë gjithë vitit: Cyrih, Bazel, Vjenë, Londër, Malmo, Milano, Memingemi dhe Dortmundi. 10 destinacionet e tjera nga Aeroporti i Ohrit janë sezonale, domethënë në periudhën nga prilli në tetor: Amsterdam, Bruksel, Stamboll, Talin, Tel Aviv, Varshavë, Eindhoven, Katovicë, Mastriht, Adana.
Linjat ajrore që aktualisht fluturojnë nga Aeroporti i Ohrit janë: Wizz Air, Edelweiss, Germania Flug, Pegasus, Onur Air, Corendon, Eurowings, Brussels Airlines, TUIFly, Nordica, Enter Air, LOT dhe Helvetic.
Në fillim të këtij muaji, Aeroporti i Ohrit u rendit nga ana e Këshillit Ndërkombëtar të Aeroporteve (Airports Council International – ACI) në mesin e 3 aeroporteve kryesore në Evropë, në bazë të rritjes së lartë të numrit të udhëtarëve në tremujorin e parë të vitit 2019, e cila është 63.9%, një shkallë shumë më e lartë se mesatarja e BE-së, e cila është 4.4%.
TAV Maqedonia sot në Elbasan, informoi udhëtarët potencialë nga Shqipëria se për më shumë informacione mund të vizitojnë faqen e internetit të aeroportit të Ohrit: http://ohd.airports.com.mk, ku mund të gjejnë numra kontakti nga aeroporti i Ohrit dhe kontakte nga linjat ajrore që fluturojnë nga Ohri, ku mund të informohen rreth biletave të linjave ajrore.
Përveç promovimit të Aeroportit të Ohrit, si pika më e afërt e Elbasanit, TAV Macedonia sot gjithashtu promovoi 42 destinacionet nga Aeroporti Ndërkombëtar i Shkupit, duke përfaqësuar zhvillimin e madh të arritur në të dy aeroportet në lidhje me rritjen e numrit të udhëtarëve në 10 vitet e fundit, pas hyrjes së TAV-it në tregun maqedonas.
TAV Maqedonia vazhdon me rritjen e numrit të udhëtarëve në muajt e parë të vitit 2019. Nga janari e deri në prill të vitit 2019, gjithsej 694.227 udhëtarë kanë udhëtuar nëpërmjet dy eroporteve - Aeroporti Ndërkombëtar i Shkupit dhe Aeroporti i Shën Apostol Palit në Ohër, që paraqet një rritje prej 10% krahasuar me të njëjtën periudhë të vitit 2018.
Kompania përfundoi vitin 2018 me gjithsej 2.3 milion pasagjerë në të dy aeroportet, me një rritje vjetore prej 16%.