TAV PA SHENJAT E PARA TË RIMËKËMBJES TË TRAFIKUT AJROR: Për 11 muaj aeroportet e Shkupit dhe të Ohrit trajtuan 1,3 milionë pasagjerë
Aeroporti Ndërkombëtar Shkup dhe Aeroporti Shën Apostulli Pal i Ohrit kanë transportuar 1,3 milionë (1,256,263) pasagjerë për 11 muajt e vitit 2021, që është një rritje prej 71% krahasuar me të njëjtën periudhë të vitit 2020, duke treguar shenjat e para të rimëkëmbjes të trafikut të pasagjerëve, pas ndikimit negativ të Kovid-19 në sektorin e aviacionit. Në të njëjtën kohë, në periudhën janar - nëntor 2021, të dy aeroportet e Maqedonisë kanë kryer 13.679 fluturime, që është një rritje vjetore prej 63% në krahasim me vitin 2020.
“Këtë vit pamë shenjat e para solide të rimëkëmbjes së trafikut të pasagjerëve në aeroportet e Shkupit dhe të Ohrit, pas ndikimit negativ që Kovid-19 shkaktoi në sektorin e aviacionit që nga fillimi i pandemisë në vitin 2020. Trendi pozitiv i udhëtimit, ushqehet nga uria e pasagjerëve për udhëtim ajror dhe entuziazmin e tyre për t'u rikthyer në udhëtimet normale që kishin para Kovid-19, u ndje veçanërisht në muajt e verës 2021 kur u hoqën përkohësisht kufizimet e udhëtimit nga BE për mbajtësit e pasaportave maqedonase, për t'u lehtësuar më pas me çertifikatat e vaksinimit si kusht për udhëtime turistike për shumicën e vendeve. Megjithatë, ka shumë sfida përpara nesh, sepse trafiku ajror do të vazhdojë të jetë shumë i varur nga kufizimet e udhëtimit ajror nga vende të ndryshme, ndërkohë që aeroportet, pasagjerët dhe linjat ajrore do të përpiqen të përshtaten me ndryshimet e shpeshta të rregullave të bazuara politikat e ndryshme shëndetësore kombëtare”, thotë Metin Batak, Drejtor i përgjithshëm i TAV Maqedoni.
Edhe pse trendi aktual është në rritje dhe të dy aeroportet e Maqedonisë kanë pasur një rritje të numrit të pasagjerëve për 71% në krahasim me vitin 2020, niveli i trafikut të pasagjerëve është ende -49% dhe niveli i fluturimeve është ende -32%, krahasuar me shifrat e arritura në të njëjtën periudhë të vitit 2019, i konsideruar si vit referues në aviacion.
Batak thekson se rimëkëmbja e tregut maqedonas të trafikut ajror, duhet të ecë brenda parashikimit të ACI-së për lëvizjen globale të trafikut ajror, skenari optimist i të cilit parashikon që viti 2021 do të përfundojë me -56% të trafikut ajror në vitin 2019, ndërsa 2022 trafiku ajror global do të jetë në nivelin -23%.
- “Si treg në zhvillim dhe me rritje të shpejtë, siç ishin aeroportet maqedonase para krizës, ne mund të ngritemi pak më shpejt se tregjet e zhvilluara të aviacionit të BE-së, pasi trafiku ynë është kryesisht me kosto të ulët, ndërsa tregjet e zhvilluara të BE-së i bazojnë trafikun e tyre në transportuesit e vjetër. Megjithatë, fakti që më shumë se 70% e trafikut tonë të përgjithshëm ajror është i përqendruar në tregjet evropiane dhe rregullat e tyre të udhëtimit ajror për qytetarët maqedonas ndryshojnë shumë shpesh, ne jemi gjithmonë në gjendje gatishmërie, për të qenë në gjendje të reagojmë dhe të përshtatemi shpejt. Shpejtësia e rikuperimit të trafikut ajror do të jetë e prirur ndaj të gjitha goditjeve të reja të pandemisë, veçanërisht pasi aeroportet tani përballojnë ndikimin e variantit Omikron”, shpjegon Batak.
Statistikat e trafikut ajror të TAV Maqedonisë për 11 muajt e vitit 2021, tregojnë se destinacionet më të shpeshta nga Aeroporti Ndërkombëtar Shkupit janë Stambolli (12%), Cyrihu (7,7%), Bazeli (7,3%) dhe Vjena (7,0%), ndërsa nga Aeroporti i Ohrit Shën Apostulli Pal janë: Cyrihu (33,2%), Bazel (21,7%), Memmingen (18,2%), Vjena (9,8%) dhe Dortmundi (9,8%).
Sipas planit aktual të orarit dimëror të fluturimeve, nga Aeroporti Shkup ka 36 destinacione me 13 linja ajrore dhe 7 destinacione nga Aeroporti i Ohrit me dy linja ajrore.
Që nga fillimi i pandemisë Kovid-19, linjat ajrore bëjnë ndryshime shumë të shpeshta në oraret e fluturimeve, ndërkohë që vendet bëjnë ndryshime shumë të shpeshta në rregullat e udhëtimit ajror.
Prandaj, TAV Macedonia gjithmonë apelon tek pasagjerët që të kontrollojnë informacionet më të fundit në lidhje me fluturimet dhe kushtet e udhëtimit ajror, me kompaninë e tyre ajrore dhe Ambasadën e vendit ku do të udhëtojnë.