AEROPORTET E TAV NËNSHKRUAN “DEKLARATËN E TULUZIT”: AEROPORTET EVROPIANE DHE AKTОRËT KYÇ TË TYRE NË UDHËTIM DREJT DEKARBONIZIMIT TË INDUSTRISË SË AVIACIONIT

TAV AErportet, sot, më 4 shkurt 2022, ka nënshkruar “Deklaratën e Tuluzit”, duke iu bashkuar nismës globale të aviacionit për uljen e emetimeve të CO2 në mjedis, të udhëhequr nga 200 aeroporte evropiane dhe gjithsej 400 aeroporte në mbarë botën, të cilët tashmë janë të çertifikuar sipas Programit të aeroporteve për akreditim të karbonit.

Deklarata e Tuluzit nis nga Presidenca Franceze në BE sot, më 4 shkurt, si nismë e parë publiko-private që mbështet objektivin e aviacionit evropian për të arritur emetimet neto zero të CO2 deri në vitin 2050.

Si anëtarë të Këshillit ndërkombëtar të aeroporteve në Evropë, Aeroportet TAV në Turqi, Maqedoninë e Veriut, Gjeorgji dhe Kazahstan kanë nderin të jenë në list-ën e ACI EUROPE të nënshkruesve të Deklaratës së Tuluzit. 
          

Qëllimi i aeroporteve në të gjithë kontinentin evropian, të cilët kanë nënshkruar Deklaratën është të punojnë së bashku me aktorët kryesorë në industrinë e aviacionit, me një qëllim të përbashkët për të ulur emetimet e CO2 në mjedis dhe për të arritur emetimet neto zero në vitin 2050.

Olivier Jankovec, Drejtor i përgjithshëm i ACI EUROPE tha: “Secili aeroport që nënshkruan këtë Deklaratë po bën një ndryshim të prekshëm për të ardhmen tonë si industri, si ekonomi dhe si shoqëri. Ata vazhdojnë të demonstrojnë ambicie, vizion dhe përsosmëri në veprimet e tyre të qëndrueshme. Unë i admiroj dhe duartrokas secilin prej tyre.”

Metin Batak, Drejtor i përgjithshëm i TAV Maqedoni tha: “Si TAV Maqedoni jemi të lumtur që jemi pjesë e grupit TAV Aerporte që iu bashkua iniciativës së udhëhequr nga 200 aeroporte në të gjithë Evropën gjeografike dhe 400 aeroporte gjithsej globalisht, të cilët janë liderë në sektorin e aviacionit në rrugën e tij drejt dekarbonizimit të mjedisit. Duke nënshkruar “Deklaratën e Tuluzit” dhe duke ndjekur udhërrëfyesin e industrisë së ACI-së, si anëtarë të tyre, ne do të punojmë së bashku me të gjithë aktorët e aviacionit për të arritur qëllimin përfundimtar - emetimet neto zero të CO2 deri në vitin 2050.”     

Deklarata e Tuluzit shënon herën e parë që qeveritë evropiane, Komisioni Evropian, industria, sindikatat dhe palët e tjera kyçe të interesuara radhiten zyrtarisht për dekarbonizimin e aviacionit.

Është një moment shumë domethënës, duke hapur rrugën për hapat e mëtejshëm konkretë, si në krijimin e një Pakti të BE-së për dekarbonizimin e aviacionit, ashtu edhe në nivel global, ndërsa ne shikojmë tek ICAO e OKB-së për të vendosur një objektiv global për aviacionin ndërkombëtar më vonë këtë vit.

Aeroportet kanë qenë prej kohësh nxitësit e parë në udhëheqjen e sfidës së dekarbonizimit të aviacionit. Me pothuajse 200 aeroporte evropiane të certifikuara tani nën programin e Akreditimit të karbonit të aeroportit (lidhja me lëshimin e ACA-së) dhe afër 400 aeroporte në mbarë botën, puna jonë për të arritur emetimet neto zero të karbonit për ato operacione nën kontrollin tonë deri në vitin 2050 vazhdon të bëjë përparim të prekshëm. Aeroportet evropiane së bashku e bënë këtë ndërmarrje publike në vitin 2019 dhe që atëherë e kanë rikonfirmuar këtë qëllim me një numër aeroportesh që publikojnë udhërrëfyes për t'i çuar ata drejt këtij objektivi deri në vitin 2030 dhe një pjesë të vogël të pilotëve tashmë atje. Ata po angazhohen gjithashtu në mënyrë aktive me partnerët e tyre të biznesit dhe palët e interesuara për të çuar përpara dekarbonizimin e sistemit më të gjerë të transportit ajror.