ИЗВЕСТУВАЊЕ ЗА ПАТНИЦИ: ТЕСТИРАЊЕ ЗА КОВИД-19 ВО НИКОБ ЛАБ СЕГА ДОСТАПНО И НА ДВАТА АЕРОДРОМА, ВО СКОПЈЕ И ВО ОХРИД

Скопје, 2 јули, 2021г.  

Со цел да обезбеди подобри и разновидни услуги достапни за патниците на аеродромите, како и да одговори на најновите барања за патување во однос на КОВИД-19, ТАВ Македонија додава уште еден давател на услуги за тестирање за КОВИД-19 на двата македонски аеродрома.

Од 24 јуни 2021 година, Никоб Лаб го отвори пунктот за тестирање за КОВИД-19 и започна со давање услуги за патниците во заминување на Меѓународниот Аеродром Скопје, додека од денес, 2 јули 2021 година, ќе започне со работа пунктот за тестови за КОВИД-19 на Никоб Лаб на Аеродромот Св. Апостол Павле во Охрид.   

На пунктовите за тестирање за КОВИД-19 на аеродромите достапни се следниве услуги, односно следниве тестови за КОВИД-19 (https://nikoblab.mk/covid-19/):  

• Брз антигенски тест – Panbio Abbott
• PCR тест
• Брз PCR тест

Молекуларно-дијагностичката лабораторија при ПЗУ Никоб Лаб користи Bio-Speedy SARS-CoV-2 (2019-nCoV) qPCR кит за детекција за RT-qPCR детекција на вирусот SARS-CoV-2, кој се наоѓа на листата на СЗО.

За повеќе и за конкретни информации, можете да се јавите во Никоб Лаб на телефонскиот број +38922741000, или да ја посетите веб страницата https://nikoblab.mk/   

Работно време:

Никоб Лаб – Пункт за тестирање за КОВИД-19 – Меѓународен Аеродром Скопје – 24/7  

Никоб Лаб – Пункт за тестирање за КОВИД-19 – Аеродром Св. Апостол Павле Охрид – согласно редот на летање, 4 часа пред закажаното време на полетување

Доколку се одлучите да правите тест за КОВИД-19 на аеродром, со цел да избегнете гужва пред терминалната зграда, ве молиме пристигнете на аеродром на време, најмалку 3-4 часа пред времето на заминувње на вашиот лет.