Патници со попреченост
ТАВ Македонија како аеродромски оператор на Меѓународниот Аеродром Скопје и на Аеродромот Свети Апостол Павле Охрид, и како компанија којашто се грижи да обезбеди квалитетно патувачко искуство за своите клиенти постојано е посветена на задоволување на потребите на лицата со попреченост.
Пристапноста се смета за важен сегмент од нашето секојдневно работење со цел да обезбедиме еднакви можности за сите клиенти.
Затоа, зоните за патници во рамки на аеродромската инфраструктура, капацитетите и услугите се изградени и модифицирани со цел да може да ги користи секој.
Согласно РЕГУЛАТИВАТА (ЕС) 1107/2006 НА ЕВРОПСКИОТ ПАРЛАМЕНТ И НА СОВЕТОТ од 5 јули 2006г. во однос на правата на лицата со попреченост (PWD) аеродромот е должен и одговорен да обезбеди помош на лицата со попреченост (PWD).
Лицата со попреченост се сметаат оние лица кои имаат долгорочни физички, ментални, интелектуални или сетилни оштетувања кои во интеракција со различни бариери може да го попречат нивното целосно и ефективно учество во општеството на еднаква основа со другите.
За да одговори на потребите на патниците со попреченост и да ја обезбеди потребната помош и поддршка, ТАВ Македонија има обучен и квалификуван персонал кој е подготвен да ги пречека и да обезбеди услуги за лицата со попреченост на Меѓународниот Аеродром Скопје и Аеродромот Св. Апостол Павле Охрид.
БАРАЊЕ ПОМОШ
Патниците на кои им е потребна помош треба да ја контактираат и да ја известат авиокомпанијата, туристичкиот агент или туроператорот со детали за нивните барања за помош најмалку 48 часа пред поаѓањето на нивниот лет.
Важно е патниците кои бараат помош за движење да ја контактираат авиокомпанијата, туристичкиот агент или туроператорот директно бидејќи нивното натамошно патување може да биде засегнато од правилата за безбедност што ги применува авиопревозникот за превоз на лица со попреченост.
Покрај ова, лицата со попреченост можат лесно да го најават своето пристигнување на Аеродромот и да побараат помош на која било од 4-те локации:
- Влез на паркинг со најавување преку интерфон*
- Службата за помош на патници со попреченост – веднаш до Шалтерот за информации
- Шалтер за информации
- Шалтерите за регистрација на патници и багаж
*Најавување преку интерфон
ТАВ Македонија ја воведе оваа услуга за да им овозможи помош и асистенција при патување на лицата со попреченост кои патуваат сами. За полесно и поедноставно добивање на услугата за помош и асистенција на лица, односно на патници со попреченост кои патуваат сами, ТАВ Македонија постави интерком за најавување на самиот влез на паркингот. Поточно, соодветно означениот интерком се наоѓа на самата рампа за влез на главниот паркинг на Меѓународниот Аеродром Скопје. Со најавувањето преку интерком, каде се стапува во аудио и видео контакт со вработен од аеродромската служба за помош на патници со попреченост при патување со авион, лицето со попреченост кое патува само и на кое услугата му е потребна уште од паркинг местото, ќе може да го најави своето пристигнување на аеродромот, односно на паркингот, а вработен од службата ќе пристигне на паркинг местото наменето за лица со попреченост за да го пречека патникот и да го преземе и одвезе до аеродромската терминална зграда, каде што ќе ги извршат сите аеродромски формалности и процедури за патување.
За користење на оваа услуга, потребно е лицето со попреченост – патникот да се пријави најкасно 2 часа пред планираното време на полетување.
ПАРКИНГ МЕСТА ЗА ЛИЦА СО ПОПРЕЧЕНОСТ НА МЕЃУНАРОДНИОТ АЕРОДРОМ СКОПЈЕ
На Меѓународниот Аеродром Скопје има вкупно 20 паркинг-места за лица со попреченост, каде што користењето на паркингот е бесплатно во рок од 24 часа.
За одобрување на бесплатно паркирање потребно е патникот да се упати во канцеларијата за паркинг и да приложи сообраќајна дозвола од возилото и легитимација за лице со попреченост (да се идентификува како лице со попреченост). Ова важи само доколку лицето со попреченост е сопственик на возилото и тој/таа управува со истото.
Растојанието од означените паркинг места за лица со попреченост до влезните врати на аеродромската зграда е 48 метри.
Често поставувани прашања
Меѓународниот Аеродром Скопје работи 24/7. Рестораните и кафулињата како Cakes & Bakes, Café In, Burger King и Need Stop им се постојано достапни на патниците; бизнис-салонот (PrimeClass CIP Service) нуди комфор 24/7, а бесцаринската продавница (ATU Duty Free) е отворена согласно летовите и нуди широк асортиман на производи.
Пријавувањето на патниците на шалтерите за пријавување патници и багаж почнува 180 минути (3 часа) пред закажаното време на полетување (STD) наведено на вашиот авионски билет. Времето на затворање на шалтерот за пријавување на аеродромот е најдоцна 60 минути пред закажаното време на полетување наведено на вашиот авионски билет.
Од почетокот на пандемијата со ковид-19, поради барањата за различни патни документи наметнати од различни земји, ТАВ Македонија апелира патниците да пристигнуваат на аеродром 3 часа пред полетување.
За информации во врска со летовите, следете ја веб-страницата на Меѓународниот Аеродром Скопје, во делот Пристигнувања и/или Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.
Доколку Ви се потребни итни дополнителни информации за Вашиот лет, можете да го контактирате Шалтерот за информации на Меѓународниот Аеродром Скопје на телефонскиот број: +38923148333, кој работи 24/7.
На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.
Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.
Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следната е-адреса: customer.mk@tav.aero
Во случај на изгубен или оштетен багаж, веднаш упатете се во Одделот за изгубен багаж, кој е лоциран близу до лентите за подигнување на багажот, односно во зоната за Пристигнувања во државата и по Пасошка контрола, а пред Царинска контрола.
Нашите вработени ќе ви изготват записник за изгубен/оштетен багаж, со кој потоа ќе се обратите до вашата авиокомпанија. Доколку ви е потребно да го контактирате одделот за изгубен багаж, пишете ни на: lostbaggage@tav.aero
За изгубени/најдени предмети во авион, контактирајте нé на истиот мејл: lostbaggage@tav.aero
Ако изгубите или најдете личен предмет во аеродромската зграда, веднаш пријавете или на Шалтерот за информации или пак кај вработените од обезбедувањето, а доколку сте веќе заминати од аеродромот пишете ни на lost.property@tav.aero
Сите детали на: http://skp.airports.com.mk/.../airpo.../page/lost-luggage-mk
Да. Од 2015 година ТАВ Македонија има воведено бесплатен безжичен, Wi-Fi, интернет на Меѓународниот Аеродром Скопје. Патниците можат преку нивните мобилни уреди да го користат бесплатниот безжичен интернет со едноставно приклучување на безжичната мрежа со име: TAV Airports, без потреба од впишување лозинка.
Вашето возило може да го паркирате на нашиот паркинг без претходна резервација. Оваа услуга е достапна 24/7 на Меѓународниот Аеродром Скопје.
Ценовник за паркинг:
до 1ч. – 90 ден.
до 2ч. – 130 ден.
2 – 4ч. – 250 ден.
4 – 8ч. – 400 ден.
до 24ч. – 700 ден.
За повеќе информации за паркинг услугите, ве молиме кликнете на Паркинг
Да. Меѓународниот Аеродром Скопје има посебно означени паркинг-места за лицата со инвалидитет и паркингот за нив е бесплатен. Со покажување на сообраќајната дозвола и легитимацијата за инвалидитет на Шалтерот за наплата на паркинг, лоциран во терминалната зграда, нашите вработени ќе го поништат паркинг-билетот и лицето со инвалидитет автоматски ќе биде ослободено од плаќање паркинг. Доколку сите паркинг-места за лицата со инвалидитет се зафатени, паркирајте се на обично место и следејќи ја истата постапка ќе бидете ослободени од плаќање паркинг.
За повеќе информации за паркинг услугите, ве молиме кликнете на Паркинг или на Патници со попреченост и патници со намалена подвижност – PRM.
За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате:
https://en.aegeanair.com/travel-information/special-assistance/traveling-with-pet/
https://www.turkishairlines.com/en-us/any-questions/traveling-with-pets/
https://www.croatiaairlines.com/Travel-info/Special-passenger-categories/Animals
https://www.qatarairways.com/en/baggage/animals.html
https://www.austrian.com/Info/Flying/TransportationAnimals
https://www.flypgs.com/en/write-to-us/a0j58000000NHWFAA4#sf-1
Авиокомпанијата Wizz Air не дозволува превоз на домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.
https://wizzair.com/en-gb/information-and-services/travel-information/baggage
Да. Меѓународниот Аеродром Скопје има Служба за помош на патници со попреченост и патници со намалена подвижност – PRM. Шалтерот каде што може да се најде оваа бесплатна услуга, се наоѓа веднаш до Шалтерот за информации, во терминалната зграда. Како личност со намалена подвижност (PRM) се подразбира секое лице чија подвижност е намалена поради физичка попреченост (сензорна или локомоторна), интелектуален дефицит, возраст, болест или друга причина.
Да. На Меѓународниот Аеродром Скопје, има просторија за пушење, која се наоѓа во безбедносно-контролираната зона. Просторијата за пушење се наоѓа веднаш до излез број 201, односно од левата страна по пасошка контрола и безбедносната контрола.
Покрај просторијата за пушење, патниците можат да ги користат и отворените тераси од кафетериите кои се наоѓаат на влезот во терминалната зграда на аеродромот.
Пушењето е забрането во преостанатиот дел од терминалната зграда
Доколку имате општи прашања за кои не ви е потребен итен одговор, жалби или пофалби, пишете ни на customer.mk@tav.aero. Тоа е нашиот Оддел за односи со клиенти, од каде во најкус можен рок ќе Ви одговори на Вашите прашања.