ТАВ ГО ПРЕЧЕКА ПРВИОТ ЛЕТ ОД ВАРШАВА НА АЕРОДРOМОТ ВО ОХРИД

ТАВ ГО ПРЕЧЕКА ПРВИОТ ЛЕТ ОД ВАРШАВА НА АЕРОДРOМОТ ВО ОХРИД

Со свечен пречек на патниците кои долетаа од Варшава, ТАВ Македонија попладнево го одбележа пристигнувањето на првиот директен лет од полската престолнина во Скопје, со кој оперира полската авиокомпанија LOT Polish Airlines. Патниците од Полска пристигнаа на Меѓународниот Аеродром Скопје со модерен „Ембраер“ воздухоплов, при што беа пречекани од девојки во традиционална македонска носија и колачиња за добредојде.

Директната авиолинија ќе се одвива редовно, шест дена во неделата во текот на летната сезона, освен во недела. Првиот лет од аеродромот „Фредерик Шопен“ во Варшава до Меѓународниот Аеродром Скопје полета од полскиот главен град во 10:35 часот, а во Скопје слета во 12:40 часот. Патниците од Македонија кон Полска, пак, ќе полетаат во 13:20 часот. Овој ред на летање важи за понеделник, среда и петок. Во останатите денови, односно во вторник, четврток и во сабота летот од Варшава ќе слетува во Скопје во 16:30 часот, додека поаѓањето од македонскиот главен град кон Полска е во 17:10 часот. Летот од Скопје до Варшава трае 2 часа и 5 минути.

Од ТАВ Македонија истакнуваат дека се многу среќни што ја додаваат и Варшава на сè подолгата листа на градови до кои може директно да се лета од Скопје.

- Воведувањето на директната авиоврска меѓу Скопје и Варшава е резултат на долготрајни маректинг активности, дискусии и преговори. Бизнисот на авиокомпаниите секоја година станува сè поконкурентен и тие се многу внимателни при донесувањето одлуки за избор на нови дестинации и влез на нови пазари. Поради тоа, сакам да им се заблагодарам на ЛОТ Полиш ерлајнс за додавањето на скопскиот аеродром во нивната мрежа на дестинации. Очекуваме дека со поврзувањето на Варшава со Скопје со директен лет, повеќе полски туристи ќе ја посетат и ќе ја спознаат Македонија, како и дека граѓаните на Македонија и соседните држави ќе можат да патуваат до Варшава директно и да ја искусат Полска. Исто така, оваа линија ќе послужи и за подобрување на трговските, економските и политичките односи меѓу Македонија и Полска, изјави Алпер Ерсој, Генерален директор на ТАВ Македонија.

И од авиокомпанијата LOT Polish Airlines изразуваат огромно задоволство од воведувањето на новата линија.

-Навистина ми е драго што ќе им посакам добредојде на патниците од Македонија на летот до Варшава почнувајќи од денес. Благодарение на новата конекција, патниците од Македонија добија нов квалитет на патувањата не само до Полска и до многу градови во Европа, но и пошироко, до сите дестинации во светот како Њујорк, Лос Анѓелес или Торонто, со нашите најмодерни авиони од типот Боинг 787, во текот на целата година. Отворањето на оваа нова линија несомнено ќе ги поврзе и зближи Полјаците и Македонците, со поттикнување на поголем авиосообраќај како резултат на повеќе туристички патувања. Многу сме задоволни што благодарение на директните летови на ЛОТ до Скопје, отсега повеќе патници ќе го откриваат овој величествен град, изјави Мика Фијо, Главен комерцијален директор на ЛОТ Полиш ерлајнс.

Освен директна врска од Скопје до Варшава, новата авиолинија овозможува брза и погодна конекција од полската престолнина до повеќе дестинации во Источна и Западна Европа и во Скандинавија, САД (Њујорк, Њуарк-Чикаго, Лос Анџелес) и Канада (Торонто). Летовите од Скопје се испланирани така што трансферите на LOT до САД преку центарот во Варшава се реализираат по само 80 минути по слетувањето на аеродромот „Фредерик Шопен“.

LOT во моментов лета до вкупно 12 дестинации на Балканот. Освен до Скопје, во текот на летната сезона авиокомпанијата ќе лета и до Подгорица, Дубровник, Загреб, Сплит, Пула, Задар, Белград, Љубљана, Софија, Букурешт и Клуж-Напока. За годинава LOT веќе најави воведување на четири нови дестинации и тоа од Варшава до Скопје, Подгорица и до московскиот аеродром Домодедово, како и лет од Краков до Будимпешта и од Будимпешта до Њујорк и Чикаго.

ТАВ Македонија продолжува да бележи позитивни резултати. Во првите пет месеци од 2018 година (од јануари до мај), вкупно 823.801 патници патувале преку двата македонски аеродроми - Меѓународниот аеродром Скопје и охридскиот аеродром „Св. Апостол Павле“, што е пораст од 19% на годишно ниво. Во исто време, вкупниот број на летови е 7.196 што е пораст од 16% во однос на истиот период лани.

Често поставувани прашања

До/од Меѓународниот Аеродром Скопје има редовен автобуски превоз за патници којшто поминува и застанува на клучни автобуски постојки низ градот Скопје и пристигнува до аеродромот. Со овој автобуски превоз управува компанијата V2V Transporter. Возниот ред на автобусот се подготвува според распоредот на летови  на Меѓународниот Аеродром Скопје. Билетот во една насока за автобускиот превоз чини 180 денари. Повеќе информации можете да најдете во делот Водич за патници на веб-страницата, односно на Автобус.

Меѓународниот Аеродром Скопје работи 24/7. Рестораните и кафулињата како Cakes & Bakes, Café In, Burger King и Need Stop им се постојано достапни на патниците; бизнис-салонот (PrimeClass CIP Service) нуди комфор 24/7, а бесцаринската продавница (ATU Duty Free) е отворена согласно летовите и нуди широк асортиман на производи.

Пријавувањето на патниците на шалтерите за пријавување патници и багаж почнува 180 минути (3 часа) пред закажаното време на полетување (STD) наведено на вашиот авионски билет. Времето на затворање на шалтерот за пријавување на аеродромот е најдоцна 60 минути пред закажаното време на полетување наведено на вашиот авионски билет.
Од почетокот на пандемијата со ковид-19, поради барањата за различни патни документи наметнати од различни земји, ТАВ Македонија апелира патниците да пристигнуваат на аеродром 3 часа пред полетување.

За информации во врска со летовите, следете ја веб-страницата на Меѓународниот Аеродром Скопје, во делот Пристигнувања и/или Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.

Доколку Ви се потребни итни дополнителни информации за Вашиот лет, можете да го контактирате Шалтерот за информации на телефонскиот број: +389 2 3148 333, кој работи 24/7.

На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење на новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.

Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.

Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следниот е-мејл: customer.mk@tav.aero

 

Во случај на изгубен или оштетен багаж, веднаш упатете се во Одделот за изгубен багаж, кој е лоциран близу до лентите за подигнување на багажот, односно во зоната за Пристигнувања во државата и по Пасошка контрола, а пред Царинска контрола. 
Нашите вработени ќе ви изготват записник за изгубен/оштетен багаж, со кој потоа ќе се обратите до вашата авиокомпанија. Доколку ви е потребно да го контактирате одделот за изгубен багаж, пишете ни на: lostbaggage@tav.aero 
За изгубени/најдени предмети во авион, контактирајте нé на истиот мејл: lostbaggage@tav.aero 
Ако изгубите или најдете личен предмет во аеродромската зграда, веднаш пријавете или на Шалтерот за информации или пак кај вработените од обезбедувањето, а доколку сте веќе заминати од аеродромот пишете ни на lost.property@tav.aero   
Сите детали на: http://skp.airports.com.mk/.../airpo.../page/lost-luggage-mk

Да. Од 2015 година ТАВ Македонија има воведено бесплатен безжичен, Wi-Fi, интернет на Меѓународниот Аеродром Скопје. Патниците можат преку нивните мобилни уреди да го користат бесплатниот безжичен интернет со едноставно приклучување на безжичната мрежа со име: TAV Airports, без потреба од впишување лозинка.

Вашето возило може да го паркирате на нашиот паркинг без претходна резервација. Оваа услуга е достапна 24/7 на Меѓународниот Аеродром Скопје.
Ценовник за паркинг:
до 1ч.    – 90 ден.    
до 2ч.    – 130 ден.    
2 – 4ч.    – 250 ден.    
4 – 8ч.    – 400 ден.    
до 24ч.    – 700 ден.    
За повеќе информации за паркинг услугите, ве молиме кликнете на Паркинг.

Да. Меѓународниот Аеродром Скопје има посебно означени паркинг-места за лицата со инвалидитет и паркингот за нив е бесплатен. Со покажување на сообраќајната дозвола и легитимацијата за инвалидитет на Шалтерот за наплата на паркинг, лоциран во терминалната зграда, нашите вработени ќе го поништат паркинг-билетот и лицето со инвалидитет автоматски ќе биде ослободено од плаќање паркинг. Доколку сите паркинг-места за лицата со инвалидитет се зафатени, паркирајте се на обично место и следејќи ја истата постапка ќе бидете ослободени од плаќање паркинг.
За повеќе информации за паркинг услугите, ве молиме кликнете на Паркинг или на http://skp.airports.com.mk/mk-MK/passenger-guide-mk/page/-passengers-with-disabilities-and-passengers-with-reduced-mobility-prm-mk-

За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате:

https://en.aegeanair.com/travel-information/special-assistance/traveling-with-pet/

https://www.airserbia.com/en/information/ancillary-services/traveling-with-your-pets/about-the-service

https://www.turkishairlines.com/en-us/any-questions/traveling-with-pets/

https://www.croatiaairlines.com/Travel-info/Special-passenger-categories/Animals

https://www.qatarairways.com/en/baggage/animals.html

https://www.austrian.com/Info/Flying/TransportationAnimals

https://www.flypgs.com/en/write-to-us/a0j58000000NHWFAA4#sf-1

https://www.flydubai.com/en/

https://www.lot.com/

https://www.flyedelweiss.com/EN/prepare/flight-preparation/animals-travelling/Pages/general-information.aspx

 

Wizz Air не дозволува домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.

https://wizzair.com/en-gb/information-and-services/travel-information/baggage

Да. Меѓународниот Аеродром Скопје има Служба за помош на патници со попреченост и патници со намалена подвижност – PRM. Службата каде што може да се најде оваа бесплатна услуга, се наоѓа веднаш до Шалтерот за информации, во терминалната зграда. Како личност со намалена подвижност (PRM) се подразбира секое лице чија подвижност е намалена поради физичка попреченост (сензорна или локомоторна), интелектуален дефицит, возраст, болест или друга причина.

Да. На Меѓународниот Аеродром Скопје има просторија за пушење, која се наоѓа во безбедносно-контролираната зона. Просторијата за пушење се наоѓа веднаш до излез број 201, односно од левата страна по пасошка контрола и по пунктот за безбедносен преглед.
Покрај собата за пушење, патниците можат да ги користат и отворените тераси од кафетериите кои се наоѓаат на влезот во терминалната зграда на аеродромот.
Пушењето е забрането во останатиот дел од терминалната зграда.

Во случај на општи прашања за кои не ви е потребен итен одговор, жалби или пофалби, пишете ни на customer.mk@tav.aero Тоа е нашиот Оддел за односи со клиенти, од каде во најкус можен рок ќе добиете одговори на Вашите прашања.