„Алиталија“ и „ТАВ Македонија“ го поврзаа Скопје со директен лет до вечниот град Рим

„Алиталија“ и „ТАВ Македонија“ го поврзаа Скопје со директен лет до вечниот град Рим

Во текот на мај „Алиталија“ ќе почне со работа со лесен распоред од 30 повратни месечни летови меѓу Рим и Скопје, додека во јуни ќе биде воведен комплетен дневен режим на полетувања и слетувања

Италијанскиот авиопревозник „Алиталија“ и концесионерот на аеродромите „Александар Велики“ и „Св. Апостол Павле“, „ТАВ Македонија“, денеска го промовира резултатот од заедничката соработка - директниот лет од Скопје до вечниот град Рим. Со свечено сечење торта и коктел во попладневните часови патниците беа дочекани во присуство на бизнис-заедницата и на претставници на дипломатскиот кор.  

- Со воспоставувањето на редовната авиолинија помеѓу Скопје и Рим, „ТАВ Македонија“ исполнува уште едно од своите ветувања за поврзување на Република Македонија со главниот град на Италија. Летот од аеродромот „Александар Велики“ до аеродромот „Фиумичино“ за малку повеќе од еден час ќе ги донесе истите ценети патници до една од најпосакуваните туристички дестинации во Европа, но ќе овозможи и лесен трансфер на оние кои сакаат да го продолжат патувањето на други дестинации на Медитеранот, па и понатаму. Исто така, се радуваме што ќе можеме да ги пречекаме и Италијаните и останатите кои ќе патуваат да ја видат нашата убава Македонија - изјави Зоран Крстевски, генерален директор на „ТАВ Македонија“. 

Билетите за новата авиолинија веќе можат да се купат преку интернет-страницата на компанијата (www.alitalia.com), од туристичките агенции или, пак, од канцелариите за продажба на билети на „Алиталија“. Директниот лет Скопје - Рим ќе функционира на дневна основа со леталото „Ембраер Е-175“, а ќе има две класи на услуга: „Отима“,бизнис-класата што „Алиталија“ ја користи на меѓународните линии и „Класика“, односно економската класа на овој авиопревозник. 

Марко Кваљирела, регионален менаџер на „Алиталија“ изјави:

Распоредот е направен да излезе во пресрет не исклучиво на бизнис-сообраќајот меѓу Италија и Република Македонија и на македонските граѓани кои живеат во Италија, туку и за да се овозможи лесен пристап кон нашата интерконтинентална и меѓународна мрежа преку центарот што го имаме во римскиот аеродром „Фиумичино“. „Алиталија“ одлучи да им понуди на клиентите навистина специјална понуда: промотивен период во којшто почетната цена за билет до Рим ќе биде 99 евра. Оваа можност ќе важи ограничено - до 10 мај - што ја прави прилика која не смее да се пропушти.Ниските цени за остатокот од Италија почнуваат од 149 евра, а исто така, се воведени и за европските дестинации, со стартна сума од 199 евра - рече Кваљирела. 

Во текот на мај „Алиталија“ ќе почне со работа со лесен распоред од 30 повратни месечни летови меѓу Рим и Скопје, додека во јуни ќе биде воведен комплетен дневен режим на полетувања и слетувања. Тоа значи дека од 1 јуни летот на „Алиталија“ ќе заминува од Скопје во 5.30 часот наутро, а во Рим ќе пристигнува во 7.20 часот (во понеделник, вторник, петок и сабота). Ќе има и лет од 17.05 часот попладне од „Александар Велики“ со доаѓање во вечниот град во 18:55 часот (во вторник, среда и сабота). Од Рим, пак, летовите ќе тргнуваат во 21:45 часот, а во Скопје ќе бидат во 23:35 часот (понеделник, четврток, петок и недела). Тие и ќе полетуваат во 14:35 и во македонската метропола ќе слетуваат во 16:25 часот (во вторник, среда и во сабота).

 Амбасадорот на Италија во Македонија, Ернесто Масимино Белели, истакна дека враќањето на „Алиталија“ во Скопје е важен дополнителен чекор во подемот на билатералните односи меѓу Италија и Македонија кои се интензивни и во постојан развој.

Благодарение на претстојното италијанско претседателство со Европската унија ќе се отворат и нови можности за нивно развивање. Поврзувањето на Скопје со Рим на овој начин претставува симболично и комплетирање на воздушниот Коридор 8 кон Италија, еден од големите европски центри на циркулација на лица и стоки. Оваа нова можност бездруго ќе биде топло примена од страна на италијанските оператори кои се заинтересирани за Македонија и како туристичка дестинација, но и од страна на многубројните македонски граѓани кои живеат и работат во Италија - рече Белели. 

Со оваа нова директна линија до Рим, „Алиталија“ има за цел да го зголеми протокот на туристички сообраќај кон главниот град на Италија, како и да одговори на потребите на зголемената побарувачка за врски меѓу Македонија и Италија што се должи на зголемената економска соработка и трговската размена меѓу двете земји. Лансирањето на рутата од Скопје до Рим дополнително ја подобрува поврзаноста на „Алиталија“ со Балканот. Вклучувањето на Скопје како нова дестинација во мрежата на компанијата следи по промоцијата на услугите до Подгорица (Црна Гора) и зголемување на операциите до Тирана (Албанија). „Алиталија“ го назначи „ВАС Тур“ од Скопје како генерален агент за територијата на Македонија. Почнувајќи од мај тие ќе нудат комплетна услуга: информации, резервации и билети и поддршка на туристичките агенции во име на „Алиталија“.

Covid19: Патувајте безбедно – ПРАШАЊА И ОДГОВОРИ

- Ги следевме искуствата на другите аеродроми ширум светот и препораките на Министерството за здравство, Светската здравствена организација (WHO), Агенцијата за воздухопловна безбедност на Европската Унија (EASA), Меѓународната организација за цивилно воздухопловство (ICAO), Меѓународниот совет на аеродроми (ACI) и Меѓународната асоцијација за авиосообраќај (IATA), сè со цел да преземеме соодветни мерки навреме.

- Единствен отворен влез за патниците во терминалната зграда ќе биде влезот “C”, при што секој патник ќе треба да помине преку патосница за дезинфекција на чевлите, а потоа и да ги дезинфицира рацете на безконтактните диспанзери за дезинфекција на раце, поставени на самиот влез од зградата.

- Следно,на сите патници на влезот од терминалната зграда, ќе им биде проверена телесната температура, преку термалната камера. По скенирањето со термалната камера, доколку немаат покачена телесна температура, патниците ќе можат да продолжат кон шалтерите за регистрација или саморегистрација.

- Само оние патници кои патуваат ( имаат авиобилет) можат да влезат во терминалната зграда, а не и нивните фамилии и пријатели кои ги испраќаат или ги чекаат да пристигнат.

- На патниците на кои им е потребен придружник (постари лица, лица со намалена подвижност (PRMs), малолетни деца кои патуваат без родител/старател (UMs и др.) ќе им биде дозволено да бидат придружувани од само 1 (едно) лице до шалтерите за чекирање.

- Насекаде низ аеродромот се поставени информативни знаци, како што се транспаренти, налепници и билборди, за да ги потсетиме патниците да одржуваат физичка дистанца, висок степен на лична хигиена и да избегнуваат допирање на површините.

- Седиштата во чекалните на аеродромот, на Заминувања (Departures), Пристигнувања (Arrivals) и кај Излезите (Gates) се посебно обележани, со цел да се овозможи соодветно физичко растојание за патниците.

- За безбедноста на патниците чистењето и дезинфекцијата на сите области на аеродромот се зачестени, додека пак вентилацијата во терминалната зграда е исто така зголемена, со системот за климатизација кој користи F9 нано-хемиски филм-обложени филтри.

- Насекаде низ терминалната зграда се поставени диспанзери со средство за дезинфекција на рацете достапно за патниците.

- Пластичните кадички во кои патниците го ставаат багажот и личните работи, ќе бидат дезинфицирани по секоја употреба, или по нивно користење од секој патник.

- Патниците мора да стават заштитна маска пред да влезат во терминалната зграда на аеродромот и да ја носат се додека не заврши нивното патување на излезот од терминалот на крајната дестинација. На патниците кои нема да носат заштитна маска нема да им биде дозволен влез во терминалната зграда.

- Единствен отворен влез за патниците во терминалната зграда ќе биде влезот “C”.

- Пред да влезат во терминалната зграда, патниците мора да го покажат својот авиобилет (печатен или на нивниот мобилен телефон) на безбедносниот персонал на влезот.

- Секој патник ќе треба да помине преку патосница за дезинфекција на чевлите, а потоа и да ги дезинфицира рацете на безконтактните диспанзери за дезинфекција на раце, поставени на самиот влез од зградата.

- По опишаната дезинфекција, на влезот од терминалната зграда, патниците ќе бидат тестирани за телесна температура, преку термална камера што ја обезбеди ТАВ Македонија, со цел да се спречи влегување на вирусот во зградата на аеродромот. Патниците кои немаат зголемена телесна температура, ќе можат да продолжат до шалтерите за чекирање. Нашиот персонал ќе ја контролира проверката со термалната камера. Доколку е потребно, ќе се прави и дополнителна проверка со бесконтактен термометар.

- Со цел да се избегне создавање непотребен метеж на шалтерите за регистрација, ТАВ Македонија ги охрабрува патниците што повеќе да ја користат опцијата за онлајн регистрација на патници и багаж, најмалку 24 часа пред времето на полетување. Истата е достапна преку веб-страницата на аеродромот на следниот линк: http://skp.airports.com.mk/en-EN/flights/page/web-check-in , каде што преку посебни икони секој патник може да пристапи до делот за онлајн регистрација од веб-страниците на авиокомпаниите.

- Доколку треба да се најавите на нашите шалтери, нашиот пријателски персонал најљубезно ќе ви покаже како да им го презентирате вашиот билет за летање и како индивидуално да го повлечете пасошот на читачот за регистрација, поставен на предниот дел од шалтерите, со цел да се избегне физички контакт колку што е можно повеќе. Истата постапка, за саморегистрација на авиобилетот и пасошот, преку нашите читачи за регистрација, ќе се примени и за процесот за качување во авион на излезите.

- Патниците ќе треба дисциплинирано да ги следат упатствата на агентите за безбедност, и таму, како и при сите процедури каде што се создаваат редици, потребно ќе биде да се држи физичко растојание од најмалку 1.5 метар.

- Во терминалната зграда ќе можат да влезат само лицата кои патуваат, со тоа што ќе мора да го покажат својот авиобилет (печатен или на нивниот мобилен телефон) на безбедносниот персонал на влезот “C”.

- На фамилиите и пријателите кои ги испраќаат патниците или ги чекаат да пристигнат, нема да им биде дозволен влез во терминалната зграда.

- На патниците на кои им е потребен придружник (постари лица, лица со намалена подвижност (PRMs), малолетни деца кои патуваат без родител/старател (UMs и др.) ќе им биде дозволено да бидат придружувани од само 1 (едно) лице до шалтерите за чекирање. Истите правила кои важат за патниците, во однос на личната дезинфекција, носење заштитна маска и мерење на телесната температура, се однесуваат и ќе бидат применети и за нивниот придружник.

- Им препорачуваме на Патниците да пристигнат на аеродромот најмалку 3 часа пред нивниот лет.

- Поради новите мерки за заштита од COVID-19, некои од аеродромските процедури може да траат подолго време.

- Сите деловни и ВИП простории се чистат и дезинфицираат според пропишаното од страна на јавните здравствени власти ,со зголемена фреквенција врз основа на авиосообраќајот.

- Обезбедена е соодветна заштита за вработените, која вклучува опрема за лична заштита, како ракавици, заштитни маски, очила или штитови за лице.

- Поставени се и информациски знаци и ознаки на подот за да се поттикне физичко растојание, како и повеќе диспанзери со средство за дезинфекција, врз база на алкохол, со соодветна ознака за патниците.

- Сите производи кои се сервираат во салоните ќе бидат изложени спакувани во фолија и сите гости ќе можат да ги добијат производите во индивидуални пакувања.

- Ќе им опција за самопослужување со цел патниците имаат ограничен контакт со персоналот.

- Ќе се врши честа дезинфекција на површините кои се често се во допир со персоналот и патниците,

- Ќе бидат поставени посебни корпи за отпадоци за искористените маски и ракавици.

- Масите и столчињата ќе бидат дезинфицирани по нивно користење од страна на сите гостите.

- Сите вработени во продавниците треба да носат заштитна опрема. Ќе биде вграден и плексиглас сепаратор со цел да се избегне контакт помеѓу касата и гостите.

- На влезот на рестораните ќе бидат поставени апарати за дезинфекција за персоналот и гостите.

- Преку водечки знаци, гостите ќе бидат потсетени на правилата за социјално дистанцирање што треба да ги следат, особено кај редовите кај местата за нарачки и плаќање.

- Во сите ресторани, капацитетот е намален и растојанието помеѓу масите е зголемено. По две столици ќе бидат поставени на сите маси.

- Послужавниците и чиниите ќе бидат отстранети од вообичаените области. Тие ќе им бидат давани на гостите од страна на службениот персонал.

- Ќе се користат пакувани производи за еднократна употреба наместо производите, како што се сол, шеќер, салфетки, итн. Производите за еднократна употреба (сламки, салфетки, итн.) ќе бидат отстранети од заедничката област и ќе да бидат служени на гостите од страна на службениот персонал.

- Кај редовите кај местата за нарачки и плаќање, поставени се налепници на подот на растојание (1,5метар), погодно за социјално растојание.

- Вработените ќе работат со заштитна опрема.

- Опремата која се користи често ќе биде редовно дезинфицирана.

- Физичкото растојание од 1,5метар е минимално во просторот за сите присутни лица и за таа цел околу подот на бесцаринските продавници се поставени водечки знаци.

- Ги советуваме клиентите да користат само безконтактна кредитна или дебитна картичка.

- Ќе бидат означени строги влезни места во продавниците, каде ќе се користат апарати за дезинфекција врз основа на алкохол пред влегување во бесцаринските продавници.

- На патниците кои не носат маска нема да им биде дозволен влез во продавницата.

- Во бесцаринските продавници ќе бидат дозволени не повеќе од 10 клиенти истовремено.

- Патниците треба да пристигнат на аеродромот најмалку 3 часа пред нивниот лет, затоа што најмалку 1 час пред времето на полетување тие веќе треба да бидат во бординг зоната, односно на Излезите (Gates).

- За време на процесот на качување во авион, патниците ќе треба да го покажат својот пасош, односно патната исправа и нивната карта за качување во авион на агентот за проверка на картите за качување во авион и индивидуално да ја скенираат својата карта за качување во авион на читачот.

- Патниците мора да носат заштитна маска, да го одржуваат пропишаното физичко растојание за затворени простории и да чуваат високо ниво на лична хигиена.

- При нивното пристигнување, патниците ќе го напуштат воздухопловот со помош на паралелна употреба на скали на задна врата и патнички мост на предна врата од воздухопловот, за да се намали гужва.

- По симнувањето на патниците на воздухопловот ќе биде извршена превентивна дезинфекција.

- Ќе се врши скрининг со термална камера при влез од страна на Министерството за здравство пред и по пасошка контрола.

- Поставени се апарати за дезинфекција во делот за пристигнувања (по влегување во земјата, во близина на пасошка контрола и при излегување од царинска контрола).

- Ќе има обележување на местата за чекање на подот во зоната за подигање багаж, со цел да се обезбеди соодветно растојание меѓу патниците кои што чекаат.

Корисни информации

Продавници и ресторани
Продавници и ресторани

На аеродромот ќе најдете голем број на ресторани, продавници за сувенири, винска продавница, бесцаринска продавница, тобако...

Паркинг
Паркинг

Меѓународен Аеродром Скопје располага со сопствен паркинг простор....

Информации за летови
Информации за летови

Информации за пристигнување и заминување на летови на Меѓународниот Аеродром Скопје во реално време

Често поставувани прашања

 

Меѓународниот Аеродром Скопје има редовна автобуска линија за патници од клучни точки низ градот Скопје, до самиот Аеродром, опслужувана од компанијата “Манора“. Возниот ред е направен според пристигнувањата и заминувањата на летовите. Станици низ градот на кои автобусот застанува се: Хотел “Холидеј Ин”, Транспортен Центар, ТЦ Бисер, Меѓународен Аеродром Скопје. Билет во еден правец изнесува 180 денари. Повеќе информации на: http://skpairport.tavitlab.com/en-EN/passenger-guide/to-from-the-airport/page/bus

Меѓународниот аеродром Скопје работи 24/7. Можете да дојдете на Аеродромот во било кое време и да чекате за Вашиот лет. Рестораните и кафулињата како Cakes & Bakes, Café In, Burger King и Need Stop им се постојано достапни на патниците, бизнис-салонот (PrimeClass CIP Service) нуди комфор 24/7, а бесцаринската продавница (ATU Duty Free), отворена за време на летовите, нуди широк асортиман на производи.

Пријавувањето на патниците на шалтерите за регистрација почнува најмалку 180 минути (3 часа) пред предвиденото време на полетување, а во случај на интерконтинентален лет најмалку 180 минути (3 часа) пред времето на полетување назначено на Вашиот авиобилет. Затворањето на аеродромскиот шалтер за регистрација е најдоцна 40 минути пред времето на полетување назначено во Вашиот авиобилет, а во случај на интерконтинентален лет најдоцна 60 минути пред времето на полетување назначено во Вашиот авиобилет.

За информации во врска со летовите, следете ја веб-страницата на аеродромот, во делот за Пристигнувања и Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.

Доколку Ви се потребни итни дополнителни информации за Вашиот лет, можете да го контактирате Шалтерот за информации на телефонскиот број: +389 2 3148 333, кој работи 24/7.

На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење на новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.

Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.

Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следниот е-мејл: customer.mk@tav.aero

 

Доколку изгубите Ваш личен предмет на аеродромот или во авион, пријавете го во Службата Изгубено/Најдено уште додека сте на аеродромот. Доколку сте излегле од аеродромот, испратете е-мејл на: lost.property@tav.aero

Доколку пронајдете загубени предмети, веднаш пријавете ги на службени лица од Службата Изгубено/Најдено,  вработени од Обезбедувањето, или од Шалтерот за пријавување, и напишете мејл на lost.property@tav.aero

ТАВ Македонија во 2015 година воведе бесплатен безжичен интернет на Меѓународниот Аеродром Скопје, а во 2019 година го надгради истиот. Патниците можат преку нивните мобилни уреди можат да го користата бесплатниот интернет со едноставно приклучување на безжичната мрежа со име: “City of Skopje”, без потреба од впишување на лозинка. Оваа мрежа не е временски ограничена и не е потребно најавување за повторно користење.

Нема потреба за претходна резервација на паркинг-место.

Ценовник за паркинг:

1ч. – 80 МКД

2ч. – 100 МКД

2-4ч. – 150 МКД

4-8ч. – 200 МКД

8-24ч. – 600 МКД

Повеќе информации на: http://skp.airports.com.mk/default.aspx?ItemID=375

Да. Меѓународниот Аеродром Скопје има посебно означени паркинг-места за лицата со инвалидитет и паркингот за нив е бесплатен. Со покажување на сообраќајната дозвола и легитимацијата за инвалидитет на Шалтерот за паркинг, лоциран внатре во терминалната зграда, нашите вработени ќе го поништат паркинг-билетот и лицето со инвалидитет автоматски ќе биде ослободено од плаќање паркинг. Доколку сите паркинг-места за лицата со инвалидитет се зафатени, паркирајте се на обично место и следејќи ја истата постапка ќе бидете ослободени од плаќање паркинг.

За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате:

https://en.aegeanair.com/travel-information/special-assistance/traveling-with-pet/

https://www.airserbia.com/en/information/ancillary-services/traveling-with-your-pets/about-the-service

https://www.turkishairlines.com/en-us/any-questions/traveling-with-pets/

https://www.croatiaairlines.com/Travel-info/Special-passenger-categories/Animals

https://www.qatarairways.com/en/baggage/animals.html

https://www.austrian.com/Info/Flying/TransportationAnimals

https://www.flypgs.com/en/write-to-us/a0j58000000NHWFAA4#sf-1

https://www.flydubai.com/en/

https://www.lot.com/

https://www.flyedelweiss.com/EN/prepare/flight-preparation/animals-travelling/Pages/general-information.aspx

 

Wizz Air не дозволува домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.

https://wizzair.com/en-gb/information-and-services/travel-information/baggage

Да. Меѓународниот Аеродром Скопје има Служба за помош на патници со ограничена способност за движење. Шалтерот каде што можат да се најде оваа бесплатна услуга, се наоѓа веднаш до Шалтерот за информации, во терминалната зграда. Како личност со намалена подвижност (PRM) се подразбира секое лице чија подвижност е намалена поради физичка попреченост (сензорна или локомоторна), интелектуален дефицит, возраст, болест или друга причина.

Во моментов – не, но се работи на воведување. На Меѓународниот Аеродром Скопје е дозволено да се пуши само во отворените тераси на кафулињата сместени во јавната зона на терминалната зграда. Пушењето не е возможно во делот по Пасошката контрола, кај Портите.

Во случај на општи прашања за кои не ви е потребен итен одговор, жалби или пофалби, пишете ни на: customer.mk@tav.aero Тоа е нашиот Оддел за односи со клиенти, кој во најкус можен рок ќе Ви одговори на Вашите прашања.